2012 оны засгийн газрын ажилд тогтвортой хөгжүүлэхийг гол болгоно

      5-ны үдээс өмнө, Хятадын төрийн дээд эрхт байгууллага болох БХАТИХ-ын ээлжит чуулган Бээжинд нээгдэв. БХАТИХ-ын 3000 орчим төлөөлөгч ардын их хурлын ордонд цугларан, Хятадын эдийн засаг нийгмийн хөгжлийн мөн жилийн хөтөлбөрийг хамтаар зөвлөн төлөвлөж байна.

       5-ны өдрийн 9 цагт чуулган эхэлж, ерөнхий сайд Вэнь Жя бао БХАТИХ-д хандан, төрийн зөвлөлийн өмнөөс засгийн газрын ажлын тайлан хийсэн юм.

        Засгийн газрын ажлын тайланд Хятадын засгийн газрын өнгөрсөн нэг жилийн ажлыг дүгнэсний зэрэгцээ энэ жилийн ажил үүргүүдийг байрлуулсан байна. Тус сонгуулийн засгийн газарт авч хэлбэл 2012 он нь онцгой ач холбогдолтой жил болох юм.

        Ерөнхий сайд Вэнь Жя бао хэлэхдээ,"энэ он бол '12-р 5 жилийн төлөвлөгөө'-ний өнгөрснийг залгамжлан, хойшдын ажлаа эхлүүлсэн чухал жил төдийгүй мөн тус сонгуулийн засгийн газрын тушаалын хугацааны эцсийн жил юм. Бид ажлаа ягштал биелүүлэн, зоригтой урагшилж, хүндрэл бэрхшээлүүдийг хойш тавихгүй шийдвэрлэн, ажил хэргээ ард түмний сэтгэлд хүртэл бүрэн биелүүлнэ" гэжээ.

        Тус тайланд ажлын бодит зорилт тогтоосон байна. Энэ нь тухайлбал, 2012 оны Хятадын эдийн засаг нийгмийн хөгжлийн гол зорилтуудыг дэвшүүлсэн. Дотоодын үйлдвэрлэлийн нийт бүтээгдэхүүний өсөлтийг 7.5 хувьд хүргэнэ. Хот сууринд шинээр ажлын байр хангах хэмжээг 9 сая гаруйд хүргэж, хот сууринд бүртгүүлсэн ажилгүйдлийн хэмжээг 4.6 хувийн дотор багтаан барьж, Оршин суугчдын хэрэглээний үнийн үзүүлэлтийн хэмжээг 4 хувийн дотор тогтоон барьж, импорт экспортын нэмэгдлийн хэмжээг 10 хувиар төсөөлж, олон улсын орлого зардлын байдлыг цаашдаа улам сайжруулах эдгээр болно.

        Өнөөгийн байдлаар, дэлхийн эдийн засгийн хэтийн төлөв төдийлөн сайн биш, эдийн засгийг хөгжүүлэхэд тулгарч байгаа тогтворгүй хүчин зүйлүүд нэмэгдсээр байна. Үүний зэрэгцээ Хятадын жижиг, дунд аж ахуйн нэгжүүдийн эрхлэлтэд тулгарч байгаа хүндрэл бэрхшээл улам нэмэгдэж, эдийн засгийн нэмэгдлийн хурд ч улам буурах хандлагатай байна. Ийм нөхцөлд, Хятад улс эдийн засгаа эрхбиш тогтвортой хөгжүүлэх шаардлагатай байна. Тайланд дэвшүүлсэн 2012 оны засгийн газрын гол 9 төрлийн ажилд, эдийн засгаа тогтвортой нэлээд түргэн хөгжүүлэх явдлыг тэргүүн байранд тавьсан байна. Энэ тухайд Ерөнхий сайд Вэнь Жя бао хэлэхдээ,"Дотоод хэрэглээг өргөтгөх ялангуяа хэрэглээний эрэлт хэрэгцээг хангах нь Хятад орны эдийн засгаа урт хугацаагаар тогтвортой нэлээд түргэн хөгжүүлэхийн үндсэн ул суурь мөн. Энэ нь мөн ч энэ жилийн ажлын гол хэсэг мөн" гэжээ.

         Урагшлахын төлөө тогтвортой хөгжих хэрэгтэй юм. Тайланд мөн заахдаа, эдийн засгийн хөгжлийн хэлбэрээ өөрчлөхийг түргэтгэж, иргэдийн амьжиргааг үнэнхүү сайжруулан баталгаажуулж, соёлыг бадрангуй хөгжүүлж, гол салбаруудын өөрчлөлтийг гүнзгийрүүлэх болно гэжээ.

        Хэрэг дээрээ эдийн засгийн бүтцийн шинжтэй асуудал, хуваарилалт шударга бус байгаа асуудал, авилгын асуудал, нийгмийн хамгааллын асуудлын алийг нь ч гэсэн бүгд өөрчлөлтөд түшиглэн, тогтолцооны байгуулалтад түшиглэж л үндэснээс нь зохицуулах юм. Энэ тухайд Ерөнхий сайд Вэнь Жя бао хэлэхдээ, " Өөрчлөлт хийж, нээлттэй бодлого хэрэгжүүлсэн бол Хятадын ирээдүйн хувь заяаг шийдсэн зөв сонголт мөн. Иймээс заавал шинжлэх ухаанч хөгжлийн үзэл баримтлалын шаардлагыг мөрдөн, ард иргэдийн шинийг бүтээх үзэл санааг хүндэтгэж, зоригтой шинжлэн судалж, эдийн засгийн тогтолцоо болон улс төрийн тогтолцоо зэргийн өөрчлөлтийг нэн их идэвх зүтгэлээр биелүүлж, хөгжилд тулгарч байгаа хүндрэлүүдийг даван туулах хэрэгтэй юм" гэжээ.

        Тайланд энэ жилийн өөрчлөлтийн голдолгыг дэвшүүлсэн байна. Энэ нь тухайлбал, санхүү, татвар, банк санхүүгийн тогтолцооны өөрчлөлтийг гүнзгийрүүлнэ. Олон зүйлийн өмчийн эдийн засгийг зэргээр хөгжүүлнэ. Үнэ ханшны өөрчлөлтийг гүнзгийрүүлнэ. Орлогын хуваарилалтын тогтолцооны өөрчлөлтийг ахиулна. Төсвийн байгууллагын төрөл хуваах өөрчлөлтийг нааштай тогтвортой урагшлуулна. Засгийн газрын өөрчлөлтийг түргэтгэнэ гэсэн эдгээр болно.

        Ирэх 9 хоногийн хугацаанд, БХАТИХ-ын 3000 орчим төлөөлөгч бүх хятадын 1 тэрбум 300 сая иргэнийг төлөөлөн, засгийн газрын ажлын тайланг хянан хэлэлцэж, санал оруулж, эцсийн бүлэгт Хятадын эдийн засаг, нийгмийн хөгжлийн энэ жилийн чиглэл хандлагыг тогтоох юм. \Э.Цогзолмаа орчуулав\