Хятадын ерөнхий сайд Вэнь Жябао 5-ны өдөр хийсэн засгийн газрын ажлын тайландаа, зөвшөөрөл лицензыг чөлөөтэй болгож, иргэдийн хөрөнгө мөнгө төмөр зам, хотын захиргаа, банк санхүү зэрэг салбарт орохыг сайшааж, олон төрлийн өмчит эдийн засаг шударгаар өрсөлдөж, хамтаар хөгжих орчин бий болгоно гэжээ. Энэ талаар УТЗЗ-ийн Бүх Хятадын хорооны гишүүн, банкны салбарын хяналт удирдлагын хорооны орлогч дарга Янь Чинминь мөн өдөр сэтгүүлчдэд ярилцлага өгөх үед хэлэхдээ, банкны хяналт удирдлагын хороо бодлогоо нягт боловсруулж, иргэдийн хөрөнгө банкны салбарт орохыг сайшаан дэмжих бөгөөд удирдан жолоодно гэжээ.
Тэрээр хэлэхдээ, өнөөгийн байдлаар иргэдийн хөрөнгө Хятадын банкны дүрмийн сангийн чухал бүрэлдэхүүн хэсэг болсон байна. Банкны хяналт удирдлагын хорооны бүртгэлийн тоо баримтаас үзвэл, ноднин жилийн эцсийн байдлаар хувьцааны арилжааны банк болон хотын арилжааны банкны нийт хувьцаанд иргэдийн хөрөнгийн эзлэх хэмжээ тус бүр 42 хувь болон 54 хувьд хүрч, хөдөө тосгоны жижиг дунд банк санхүүгийн байгууллагын хувьцааны бүтцэд иргэдийн хөрөнгө мөнгөний эзлэх хэмжээ нь 92 хувьд хүрсэн байна. \Сайн-Өлзий орчуулав\
Өдөр дутмын 
