Сэтгүүлч саяхан ӨМ-ын музейгээс мэдээлснээр, "ӨМ-ын Ляо улсын үеийн дурсгалт зүйлсийн үзэсгэлэн"-г Японд тойрон үзүүлэх арга хэмжээний 2 дахь өртөө болох Шизуока мужийн дүрслэх урлагийн ордонд зохион явуулсан ажиллагаа бүрэн дүүрэн амжилттай өндөрлөсөн байна. Шизуока муж дахь ажиллагаа 2011 оны 12-р сарын 17-нд эхэлснээс хойш нийт 33 мянга 800 хүн тус үзэсгэлэнтэй танилцаж, нийт олны таашаалыг хүлээсэн байна.
"ӨМ-ын Ляо улсын үеийн дурсгалт зүйлсийн үзэсгэлэн"-г Японд тойрон үзүүлэх арга хэмжээний анхны өртөө нь Кюшу дэх үндэсний музей байсан юм. Тэнд нийт 58 мянган хүн тус үзэсгэлэнтэй танилцсан байна. Тус үзэсгэлэнг 4-р сарын 12-оос 6-р сарын 10 хүртэл Осака хотын дүрслэх урлагийн ордонд ажиллуулж, 7-р сарын 12-оос 9-р сарын 17 хүртэл Токиогийн урлагийн их сургуульд ажиллуулах юм.
Тус үзэсгэлэнг ӨМ-ын музей, Кюшу дэх үндэсний музей, Шизуока мужийн дүрслэх урлагийн ордон, Осака хотын дүрслэх урлагийн ордон, Токиогийн урлагийн их сургууль, Японы TBS телевиз зэрэг хамтран зохион байгуулж, ӨМ-ын музейд хадгалж байсан Хятадын Ляо улсын үеийн 124 ширхэг ховор нандин дурсгалт зүйлийг дэлгэн үзүүлж байгаа юм. \Э.Цогзолмаа орчуулав\
Өдөр дутмын 
