ХКН-ын Төв хорооны Ерөнхий нарийн бичгийн дарга Ши Жиньпин 17-ны өдөр Бээжинд Африкийн Орнуудын Холбооны зөвлөлийн тэргүүн Дламини Зуматай уулзжээ. Африк тивийн улс орнуудтай хамтын хүчин чармайлт гаргаж, Африк тивийн энх тайван, аюулгүй байдлын үйл хэрэгт, түүнчлэн олон улсын гол чухал асуудлаарх хамтын ажиллагаагаа нэмэгдүүлж, Хятад, Африк тивийн харилцаа өндөр төвшинд хөгжихийг урагшлуулахад бэлэн байна гэж уулзалтын үеэр Ши Жиньпин илэрхийлжээ.
Ши Жиньпин хэлэхдээ, Африк бол асар их ирээдүйтэй тив юм, Африк тивийн хөгжил цаг үеийн урсгалд нийцэх төдийгүй дэлхийн энх тайван, тогтвортой байдлыг хамгаалахад тустай юм. Африкийн улс орнуудын бие даасан хөгжил болон хүчээ нэгтгэн хүчирхэгжихийг Хятад улс дэмжиж байна, Африк тивийн хөгжлийн хэтийн төлөвт Хятад улс итгэл дүүрэн байна. Африкийн хөгжил нь Хятад улсын хувьд завшаан тохиол мөртөө Хятадын хөгжил ч Африк тивд боломж завшаан юм. Хятад, Африкийн хамтын хөгжил нь хөгжиж буй орнуудын ерөнхий хүчин чадал нэмэгдэх, олон улсын харилцаа ардчиллын замаар хөгжихөд чухал ач холбогдолтой. Хятад улс Африкийн улс орнуудтай хамтын хүчин чармайлт гаргаж, Хятад-Африкийн хамтын ажиллагааны формын 5 дахь удаагийн сайдын хэмжээний хурлын тал бүрийн олон амжилтыг сайтар хэрэгжүүлж, хоёр талын харилцаа нэн өндөр төвшинд хөгжихийг ахиулахад бэлэн байгаа гэжээ.
Дламини Зума хэлэхдээ, Африкийн улс орнууд Хятадын хөгжлийн амжилттай арга туршлагаар үлгэр жишээ болгож, хөгжлийн төлөвлөгөө, хөдөө аж ахуй, үйлдвэрлэх, шинжлэх ухаан технологи, дэд бүтцийн барилга байгуулалт, хүүний нөөцийг бэлдэх зэрэг салбарын харилцаа, хамтын ажиллагаагаа нэмэгдүүлж, олон улсын болон бүс нутгийн гол чухал асуудлаар нягт хэлхээ холбоотой байхыг хүсэж байна гэж илэрхийлжээ.\Уртнасан.\
Өдөр дутмын 
