Сүүлийн жилүүдэд Шиньжян район элбэг баялаг нүүрсний нөөцдөө түшиглэн Хятадад хамгийн том нүүрсний хүчээр цахилгаан гаргах станц ба нүүрснээс байгалийн хий гаргах бааз байгуулахаар зэхэж байна. Түүнчлэн нүүрсний тоног төхөөрөмж үйлдвэрлэдэг гаднын улс орон, бүс нутгийн аж ахуйн нэгжүүдийн анхаарлыг ихээхэн татаж, эдгээр бизнесменүүд Шиньжянаас асар их худалдааны боломж хайцгааж байна.
Сурвалжлагч 25-нд Шиньжяны олон улсын нүүрсний аж үйлдвэрийн яармагийн зохион байгуулах комиссоос мэдээлснээр, энэ оны 6-р сард нээгдэх Шиньжяны олон улсын нүүрсний аж үйлдвэрийн 10-р яармагийн үеэр арав гаруй орны аж ахуйн нэгжүүд яармагт оролцож, зах зээл сүвэгчлэх юм байна.
Тус яармагийг ШУӨЗР-ны засгийн газар зохион байгуулж байна. Шиньжян район нүүрсний нөөц ихтэй давуулаг талдаа түшиглэн, хөрөнгө бэл татан оруулж, нүүрсний хүчээр цахилгаан гаргах ба нүүрснээс байгалийн хийх гаргах аж үйлдвэрийг ихээр хөгжүүлэхийн тулд зохион байгуулж буй том оврын яармаг юм.
Шиньжян 2.19 триллион тонн нүүрстэй гэж төсөөлсөн бөгөөд энэ үзүүлэлт Хятадын нүүрсний нөөцийн 40%-г эзэлжээ. 2015 оны сүүлч гэхэд Шиньжян район 10 сая тонн зэрэглэлтэй 10 корпорац, 30 сая тоннын зэрэглэлтэй 5 корпорац ба 50 сая тонн үйлдвэрлэх чадалтай 2 том оврын нүүрсний аж ахуйн корпораци байгуулж, үйлдвэрлэлийн хэмжээ нь 400 саяыг давах болно. 100 тэрбум шоо метр байгалийн хий ба нүүрсэн хий боловсруулж, 30 сая кв эрчим хүчийг Шиньжянаас бусад нутагт дамжуулах чадалтай болох бөгөөд Хятадад хамгийн том нүүрсний хүчээр цахилгаан гаргах ба нүүрсээс байгалийн хийх гаргах химийн аж үйлдвэр болгон бүтээн байгуулах юм.\Уртнасан\
Өдөр дутмын 
