• Хятадын олон улсын радио• Монгол хэлний редакци

Ши Жиньпин Ляньжан нар уулзав

Синьхуа Агентлаг       (GMT+08:00) 2013-02-25 17:19:12

            ХКН-ын төв хорооны ерөнхий нарийн бичгийн дарга Ши Жиньпин 25-ны үдээс өмнө Ардын их хурлын ордонд Хятадын Гоминьдан намын хүндэт дарга Лянь Жань хийгээд түүнийг дагалдан ирсэн Тайванийн олон салбарын төлөөлөгчдийг хүлээн авч уулзахдаа, хоёр эргийн харилцааны энх тайвны хөгжил хийгээд нэгдэлд тус дөхөм үзүүлэх нь ХКН-ын шинэ удирдлагуудын үүрэг хариуцлага мөн гэж онцлон хэлсэн байна.

            Сүүлийн жилүүдэд хоёр эргийн харилцаа асар их ахиж, Тайваний хоолойн хоёр эргийн энх тайвныг хамгаалж байгаа нь хоёр эргийн ард түмний хамтын хүсэл шаардлагад нийцсэн бөгөөд Хятадын үндэстнүүдийн ашиг тусад нийцэж байгаа юм. Хоёр эргийн ахан дүүс үндэс угсаа нэгтэй нэг гэр бүл. Тайваний ах дүү нарын эрх ашгийг хамгаалж, ард иргэдэд буян үйлдэхийг эх газрынхан олон удаа тодорхой тунхагласан бөгөөд энэ нь мөн ХКН-ын шинэ удирдлагуудын амлалт болно. Бид Тайваньд авах бодлого чиг шугамын үргэлж чанарыг цаашид баримталж, нэг Хятад улсын зарчмыг хэлбэрэлтгүй баримтлан, хоёр эргийн солилцоо, хамтын ажиллагааг цаашид ахиулан, хоёр эргийн ахан дүүсийн эв нэгдэлд тус дөхөм үзүүлнэ. Улмаар хоёр эргийн энх тайван, улс төр, эдийн засаг, соёл, нийгмийн харилцааг бататган гүнзгийрүүлэхэд хүч тавин ажиллана гэж Ши Жиньпин илэрхийлсэн байна.

            "Хоёр эргийн энх тайван хөгжлийн хамтын хүсэл мөрөөдөл" сүүлийн жилүүдэд алхам алхмаар биелэгдэж, хоёр эргийн ард түмний хүчин дэмжлэгийг олсон байна. Энэ нь эргэлтгүй зөв зам. Хоёр эргийн харилцааны өнөөгийн хөгжил амаргүй олдсон учраас шинэ эхлэлтийг улам гүнзгийрүүлэхийг хүсэж байна гэж Лянь Жань илэрхийлсэн байна. Хоёр эргийн харилцааг хөгжүүлэх нь бүх үндэстний үйлс бөгөөд хоёр эргийн ард түмний хамтын хүсэл эрмэлзэл болно. Хятадын үндэстнүүд оюун ухаанаа бадруулж, харилцан уялдан үндэстнээ хөгжүүлэн шинэ цаг үе бүтээх хэрэгтэй гэж тэрээр бас онцолсон байна./Анар орчуулав/

Холбоотой мэдээ
Сэтгэгдэл
Webradio
Ярилцлага
Хятад хэл сурах

Күнзийн
сургалтын
танхим

Өдөр дутмын
хэрэглээний
хятад хэлний
хичээл
Цааш>>
Уран зохиолын кафе