Синьхуа агентлаг 25-ны өдөр ХКН-ын Төв хорооны улс төрийн товчооны байнгын хорооны гишүүн, Төвийн сахилга бат шалгах комиссын ерөнхий нарийн бичгийн дарга Ван Чишнаний ХКН-ын 18 дахь сонгуулийн сахилга бат шалгах төв комиссын 2-р бүгд хуралд хийсэн ажлын тайланг нийтлэн тараасан байна. Ван Чишань тайландаа тэмдэглэхдээ, эхнэр нөхрийн аль нэг болон үр хүүхэд нь гадаадад сууж байгаа төрийн албан хаагчдад хандах удирдлага хяналтаа чангатгаж, удирдах боловсон хүчин хувийн байдлаа мэдэгдэх ёс журмыг нухацтай хэрэгжүүлэх бөгөөд заримыг нь шалган хянана гэжээ.
Ван Чишань онцлон тэмдэглэхдээ, ажлын суртлыг өөрчлөн сайжруулж, ард иргэдтэй нягт холбоотой байх талаарх төвийн найман тогтоолыг чухалчлан хэрэгжүүлэх хэрэгтэй. Ажилч, арвич, гамнан хэмнэхийг сурталчлан, бүрэлгэн сүйтгэхийг хориглоно. Албаны мөнгөөр идэж уухыг чанга хориглож, холбогдох дүрмийг хэрэгжүүлэн, янз бүрийн шалтагаар албаны мөнгийг ашиглан хүлээн авалт хийх болон өндөр үнэтэй газарт цэнгэлдэхийг хориглоно.Хурал шинжилгээ хийх, шалган байцаах,судалгаа хийх зэрэг нэрээр албаны мөнгөөр жуулчлахыг хатуу хориглоно. Нам төрийн албан байгууллагын ажлын газар, хүлээн авалтын газар болон орд танхимын байгуулалтыг үргэлжлэн чанга хязгаарлана. Албаны машиныг унах ашиглах асуудлыг цэгцэлж дүрэмжүүлнэ. Удирдагчдын айлчлалын ажиллагааг дүрэмжүүлж, албаны мөнгөөр гадаадад жуулчлахыг эрс эсэргүүцнэ гэжээ.
Ван Чишань мөн онцлон тэмдэглэхдээ, авилгын эсрэг үндэсний хууль тогтоох ажлыг чангатгана. Авилгыг эсэргүүцэн шударгаар засаг барих ажилд холбоотой хуулийг боловсронгуй болгож, сахилга бат шалгах олон шатны байгууллагууд улс төрийн сахилга батыг хамгаалах ажлыг тэргүүнд тавин, үүнийг зөрчсөн ажиллагааг хатуу шийтгэх хэрэгтэй. Төвийн шийдвэрийг зөрчсөн яриа хэлэлцээ гаргах, төрийн бодлогыг аргацаах, тушаал хэрэгжүүлэхгүй, хориглоод зогсоож чадахгүй зэргийг огт зөвшөөрөхгүй гэжээ. \Сарантуяа орчуулав.\
Өдөр дутмын 
