ХКН-ын төв хорооны ерөнхий нарийн бичгийн дарга Ши Жиньпин 25-ны өдөр Бээжинд Хятадын Гоминьдан намын нэр хүндэт дарга Лянь Жантай уулзсан нь гадаадын хэвлэл мэдээллийн хэрэгслийнхний анхаарлыг татаж байна. Ассошиэйтэд пресс зэрэг өрнийн гол гол хэвлэл мэдээллийн агентлаг энэ талаар мэдээлэхдээ, энэ удаагийн уулзалт нь Тайваний хоолойн хоёр эргийн харилцаа сайжирч байгаагийн бэлэг тэмдэг гэсэн бөгөөд Ши Жиньпин Тайваний талаар баялаг туршлагатай гэжээ.
Ассошиэйтэд пресс агентлаг 25-ны өдөр мэдээлэхдээ, "Ши Жиньпин Лянь Жаний уулзалт" -ыг хоёр "Дайсан"-ы хоорондох харилцаа сайжирч байгаагийн бэлэг тэмдгийн чанартай үйл ажиллагаа гэж үзэж болно. Улс төрийн хэлэлцээр хийхийг Тайвань ерөөс зөвшөөрөөгүй хэдий ч хурцадмал байсан харилцаа нь цэцэглэн хөгжиж байгаа худалдаа, тээвэр, хөрөнгө оруулалтын хэлхээ холбоонд байраа тавьж өглөө гэжээ.
Өрнийн маш олон хэвлэл мэдээллийнхэн Ши Жиньпингийн "энх тайван нэгдэл"-ийн талаарх яриаг иш татан мэдээлжээ. Ши Жиньпин Лянь Жаньтай уулзах үед хэлэхдээ, ХКН-ын шинэ удирдагчид үргэлжлэн хоёр эргийн харилцааг энх тайвнаар хөгжүүлж, хоёр эргийн энх тайван нэгдэлд тус дөхөм үзүүлнэ. Бид үргэлжлэн чармайж, ажил хэрэгчээр урагшлан, хоёр эргийн харилцааг цаашид шинэ амжилтанд хүргэн, хоёр эргийн ах дүү нарт ач буян үйлдэхээр чармайна гэжээ. \Сарантуяа орчуулав.\
Өдөр дутмын 
