УТЗЗ-ийн бүх Хятадын хорооны гишүүн, нэрт эдийн засагч Ли Инин 7-ны өдөр хэлэхдээ, 2013 онд Хятадын эдийн засаг тогтвортой байдлын дунд урагшилж, 7-8%-ийн өсөлтийн хурд тогтворжино гэжээ.
УТЗЗ-ийн 12 дахь сонгуулийн бүх Хятадын хорооны 1-р чуулган 7-ны өдөр хэвлэлийн бага хурал хийлгэж, Ли Инин эдийн засгийн байдлын талаар хариулахдаа, цаашид эдийн засгийн өсөлт урьдынх шиг хоёр оронтой тоогоор өсөж чадахгүй болсон, гэвч энэ оны 7.5 - 8 хувийн өсөлтийн хурдаа биелүүлж чадна гэжээ.
Барааны үнийн талаар тэрээр хэлэхдээ, барааны үнэ өсөх дарамт оршсоор байна. Олон улсын хувьд их өөрчлөлтгүй, цаг агаар нь хэвийн байх нөхцөлд инфляцыг 3.5 хувь орчимд тогтоон барьж чадна гэжээ.
Өнөө Хятадын эдийн засгийн хамгийн их эрсдэл нь банк санхүү юм. Эдийн засгийн өсөлт хөрөнгө оруулалттай шууд холбогдож байна. Өсөлт үр ашигтай байх ёстой гэж Ли Инин үзэв. Тэрээр хэлэхдээ, өсөлт үр ашиггүй бол хөрөнгийг их хэмжээгээр тараасны дараа өрөө хэрхэн буцаах зэрэг нь орон нутгийн дарамтыг нэмэгдүүлэх болно. Үүнээс сэргийлэх ёстой гэжээ.
Хотжилт гэхтэй зэрэг улс орноороо хөдөлцгөөж, их хэмжээний хөрөнгө оруулж байна. Эдгээр нь банк санхүүгийн хямралыг буй болгох боломжтой гэжээ.
Шинэ засгийн газар эдгээр асуудлыг анхааралдаа авна гэдэгт итгэж байна. Хятадын эдийн засаг тогтвортой байдлын дунд урагшлах болно гэж тэрээр хэлэв. \Урьхан\
Өдөр дутмын 
