Хятадын Гадаад хэргийн сайд Ян Жечий 9-ний өдөр Бээжинд хэлэхдээ: Солонгосын хойгийн асуудлыг зохицуулж, Солонгосын хойгийн энх тайван тогтвортой байдлыг хамгаалан, уг хойгт үймээн самуун, дайн дажин бий болохоос зайлсхийх нь холбогдох талуудын хамтын ашиг сонирхол нийцэж байгаа бөгөөд талуудын хамтын үүрэг хариуцлага мөн гэжээ.
Тэрээр хэлсэн үгэндээ, холбогдох талууд ухаалаг тэвчээртэй байж, байдлыг хурцатгах үйл ажиллагаа явуулахгүй байхыг уриалсан байна.
Ян Жечий хэлэхдээ, БНАСАУ гуравдах удаа цөмийн туршилт хийж, Солонгосын хойгийн байдлыг хурцатгасан байна. Үүнийг Хятадын тал харах сонирхолгүй юм. Аюулгүйн зөвлөлийн 2094-р тоот тогтоол нь олон улсын хамтын нийгэмлэгийн цөмийн туршилтыг эсэргүүцэж байгаа байр суурийг харуулсан байна. Үүний зэрэгцээ яриа хэлцэл, хэлэлцээ зэрэг энхийн аргаар Солонгосын хойгийн цөмийн асуудлыг зохицуулахыг амлаж, зургаан талт хэлэлцээг дахин эхлүүлэхийг дэмжихээ дахин нотолсон байна гэжээ.
1 2 
Өдөр дутмын 
