Хятадын ГХ-ийн сайд Ян Жечий 9-ний өдөр хийлгэсэн 12-р сонгуулийн Бүх Хятадын АТИХ-ын 1-р чуулганы хэвлэлийн бага хурал дээр хэлэхдээ, интернет сүлжээнд дэлхийн улс орнууд харилцан уусаж, "нэгдмэл цогц" болдог. Өнөөгийн интернет ертөнцөд мэтгэлцээн бус, дүрэм журам болон хамтын ажиллагаа шаардагдаж байна. Интернет сүлжээг бас нэгэн дайны талбар болгох, эсвэл бусад орны дотоод хэрэгт хөндлөнгөөс оролцох "багаж хэрэгсэл" болгохыг Хятад улс эсэргүүцнэ гэжээ.
Тэрээр хэлэхдээ, сүүлийн үе хакерын дайралтын тухай мэдээлэл олширч, ихэнхийг нь Хятад улстай холбон ярьж байна. Хэрэг дээрээ, Хятад улс интернет сүлжээний аюулгүй байдлын талаар буурай байдгаас хакерын дайралтад ноцтой өртдөг орны нэг юм. Үүний зэрэгцээ, хакерын дайралт зэрэг интернет сүлжээний хууль бус ажиллагааг Хятадын Засгийн газар эрс эсэргүүцдэг бөгөөд холбогдох хууль дүрмийг боловсруулан хэрэгжүүлсэн. Энх тайван, аюулгүй, нээлттэй, хамтран ажилласан интернет ертөнцийг байгуулахыг Хятадын улс санаачилсаар ирсэн бөгөөд НҮБ-ын хүрээнд олон улсын дүрэм тогтоол гаргахыг санал болгосон гэжээ.
\Д.Х\
Өдөр дутмын 
