Төрийн байгууллагуудын өөрчлөлтийг хийнэ

    10-ны өдөр мэдэгдсэн Хятадын төрийн зөвлөлийн байгууллагын өөрчлөлт ба эрх үүргийн өөрчлөлтийн төсөлд дурдсанаар, төрийн  байгууллагуудын өөрчлөлтийг хийж, төрийн зөвлөлийн бүтцийн байгууллагыг 25 хүртэл цөөлнө.

    Эх сурвалжид тэмдэглэснээр, том яамны өөрчлөлтийг тогтвортой урагшлуулж, төмөр замын захиргаа ба аж ахуйн нэгжийг салган, эрүүл мэнд ба төлөвлөгөөт төрөлт, хүнсний бүтээгдэхүүн эм бэлдмэл, мэдээлэл хэвлэл ба радио кино телевиз, тэнгис далай, эрчим хүчний удирдах байгууллагыг цаашид цэгцлэх нь энэ өөрчлөлтийн гол тал болж байна.

    Тухайлбал төмөр замын захиргаа ба аж ахуйн нэгжийг салгана. төмөр замын яамны төмөр замын хөгжлийн төлөвлөгөө ба бодлогыг тогтоох захиргааны эрх үүргийг зам тээврийн яамд шилжүүлнэ. Хятадын үндэсний төмөр замын газрыг байгуулж, зам тээврийн яамнаас удирдах бөгөөд төмөр замын яамны бусад захиргааны үүргийг хариуцна. Хятадын төрөм замын ерөнхий компанийг байгуулж, төмөр замын яамны аж ахуйн нэгжийн эрх үүргийг хариуцна. Төмөр замын яамыг татан буулгана.

    Хятадын үндэсний эрүүл мэнд ба төлөвлөгөөт төрөлтийн хороог байгуулна. Үндэсний хүн ам төлөвлөгөөт төрөлтийн хорооны хүн амын хөгжлийн стратеги, төлөвлөгөө, хүн амын бодлогыг тогтоох үүрэг хариуцлагыг Хятадын хөгжил өөрчлөлтийн хороонд шилжүүлнэ. Хятадын уламжлалт эм эмнэлгийн удирдлагын газрыг үндэсний эрүүл мэнд ба төлөвлөгөөт төрөлтийн хорооноос удирдана. Хятадын эрүүл мэндийн яам ба үндэсний хүн ам төлөвлөгөөт төрөлтийн хороог татан буулгана.

    Хятадын үндэсний хүнсний бүтээгдэхүүн эм бэлдмэлийн хяналт удирдлагын ерөнхий газрыг байгуулна. Төрийн зөвлөлийн хүнсний аюулгүй байдлын хороог хэвээр байлган, бодитой ажлыг үндэсний хүнсний бүтээгдэхүүн эм бэлдмэлийн хяналт удирдлагын ерөнхий газраас хариуцна. Үндэсний хүнсний бүтээгдэхүүн эм бэлдмэлийг хянан удирдах газар ба төрийн зөвлөлийн хүнсний аюулгүй байдлын хорооны тамгын газрыг татан буулгана.

    Үндэсний мэдээлэл хэвлэл радио кино телевизийн ерөнхий газрыг байгуулна. Үндэсний радио кино телевизийн ерөнхий газар ба үндэсний мэдээлэл хэвлэлийн ерөнхий газрыг татан буулгана.

    Хятадын үндэсний тэнгис далайн газрыг эмхлэн байгуулна. Үндэсний тэнгис далайн газар Хятадын тэнгисийн цагдаагийн нэрээр тэнгис дээрх эрхээ хамгаалах хууль хэрэгжүүлэх үүргийг гүйцэтгэж, нийгмийг аюулаас хамгаалах яамны ажлын жолоодлогыг хүлээнэ. Дээд зиндааны зөвшин хэлэлцэх байгууламж үндэсний тэнгис далайн хороог байгуулж, түүний бодитой ажлыг үндэсний тэнгис далайн газар хариуцна.
Үндэсний эрчим хүчний газрыг эмхлэн байгуулна. Үндэсний эрчим хүчний газар, үндэсний цахилгаан эрчим хүчний хянан удирдах хорооны эрх үүргийг цэгцэлж, үндэсний эрчим хүчний газрыг шинээр эмхлэн байгуулан, Хятадын хөгжил өөрчлөлтийн хорооноос удирдана. Үндэсний цахилгаан эрчим хүчний хянан удирдах хороог татан буулгана.

    Уг төслийг 12 дахь сонгуулийн БХАТИХ-ын 1-р чуулганаар хэлэлцүүлж баталсны дараа, Хятадын төрийн зөвлөлөөс ажлын байршуулалт хийж, ажлын механизмыг тогтоон, иж бүрэн арга хэмжээ ба цагийн хуваарийг гаргана.

    Өөрчлөлт нээлтийн бодлогыг хэрэгжүүлснээс нааш, Хятадын төрийн зөвлөлөөс байгууллагын өөрчлөлтийг 6 удаа хийж байгаа юм. \Урьхан\