Хятадын Гадаад валютын хяналт удирдлагын үндэсний газрын нийтэлсэн 12-ны өдрийн тоо сэлтээс үзвэл, 2012 оны эцсийн байдлаар гадаадаас Хятадын банк санхүүгийн байгууламжид 81 тэрбум 152 сая ам.долларын шууд хөрөнгө оруулалт хийж, энэ нь 2011 оны эцсийн тоо хэмжээнээс 12 тэрбум 721 сая ам.доллар буюу 18,5%-иар өссөн байна.
Банк санхүүгийн шууд хөрөнгө оруулалт гэдэг нь гадаадаас Хятадын нутагт буй банк санхүүгийн байгууллагад, Хятадын банк санхүүгийн байгууллага гадаадын аж ахуйн нэгжид хувьцаа эзэмших эрхтэй хөрөнгө оруулахыг хэлж байна. Ийнхүү хувьцаа эзэмших эрх бүхий хөрөнгө оруулалтад шууд хөрөнгө оруулагч аж ахуйн нэгжийн 10 буюу 10 дээш хувийн санал өгөх эрх эзэмших ёстой юм.
Хятадын эдийн засгийн урт хугацааны хөгжлийн байдал үндсэндээ сайн, түүнчлэн үйлдвэрлэлийн бүтцийн давуу тал ба хөрөнгө оруулалтын орчныг тасралтгүй сайжруулж байгааг дагаад гадаад хөрөнгө оруулалтыг ашиглах харьцангуй давуу тал мөн оршсоор байна. Мөн гадаад хөрөнгө оруулалтыг ашиглах бүтэц, чанар ба төвшин нь ирээдүйд улам хөгжих болно гэж зарим хүмүүс үзжээ. /Анар орчуулав/
Өдөр дутмын 
