Шарайд Дүүрэнжаргалын "Гал улаан ганцаардал" шүлгийн түүврийн шүүмж хурал боллоо

    "Яруу найрагч Шарайд Дүүрэнжаргалын шинэ номд оршил бичиж суухын ялдамд миний зүрх сэтгэлд цагаан зүсмийн мянган адуу баруун хойш бэлчсэн баян Баргын уудам тал тэр чигээрээ үзэгднэм" гэж яруу найрагч Г. Баатар үзэглэсэн юм. Хараанд буух энэ уудам нутаг бол залуу яруу найрагч Шарайд Дүүрэнжаргалын төрсөн нутаг. Тэрээр Өвөр Монголын Хөлөн-Буйр аймгийн Шинэ Барга Зүүн хошууны Тарганнуур сумын уугуул. Одоо Хятадын ОУР-гийн Монгол хэлний редакцад редактор, сэтгүүлчээр ажиллаж байна.