БНХАУ-ын дарга, цэргийн төв зөвлөлийн дарга Ши Жиньпин 6-ны өдөр Сочи хотноо Оросын ерөнхийлөгч Путины хамтаар Сирийн химийн зэвсгийг зөөвөрлөж яваа усан онгоцны аяллыг хамгаалах үүрэг гүйцэтгэж буй Хятад, Оросын хөлөг онгоцны даргатай тус тус видеогоор харилцаж, хөлөг онгоцны бүх офицер дайчдад сар шинийн баярын мэнд хүргэж, сайн сайхны ерөөл дэвшүүлэв.
Газрын дундад тэнгист аяллыг хамгаалах үүргийг гүйцэтгэж яваа Хятад, Оросын хөлөг онгоцны дарга нар ажил байдлаа хоёр орны тэргүүнд тус тус танилцуулаад, "Хоёр талын усан онгоц нягт хамтран ажиллаж, хоёр ээлжийн үүргийг амжилттай биелүүллээ. Одоо онгоцны ажиллагаа хэвийн, дараачийн үүргийг биелүүлэхэд бэлэн байна" гэж.
Ши Жиньпин хэлэхдээ, өнгөрсөн жилийн сүүлчээс Хятад, Оросын цэргийн хөлөг онгоц аяллыг хамгаалах арга хэмжээнд хамт оролцсон, энэ нь хоёр тал НҮБ-ын үндсэн дүрэм ба Аюулгүйн зөвлөлийн холбогдох тогтоолын дагуу хийж буй хамтарсан арга хэмжээ юм. Хоёр хөлөг онгоц нягт хамтран ажиллаж, аяллыг хамгаалах хоёр ээлжийн үүргийг амжилттай биелүүлсэнд баяр хүргэж байна. Дараачийн үүргээ цаашид сайтар биелүүлж, Сирийн химийн зэвсгийг устган, Сирийн асуудлыг улс төрийн арга барилаар зохицуулахад хувь нэмэр оруулахыг хүсэж байна гэжээ.
Путин хоёр хөлөг онгоцны офицер дайчдад дотны мэндчилгээ дэвшүүлж, Орос, Хятад хоёр тал Сирийн асуудлыг улс төрийн арга барилаар зохицуулахыг дэмжиж байгаа бөгөөд хоёр хөлөг онгоцны офицер дайчид Сирийн химийн зэвсгийг аюулгүй устгах чухал үүргийг гүйцэтгэж байна, хамгаалалтын үүргээ сайтар биелүүлж, олон улс, бүс нутгийн аюулгүй байдлыг хамгаалахад хувь нэмрээ оруулна гэж найдаж байна гэжээ. \Урьхан\
Өдөр дутмын 
