Төрийн зөвлөлийн Ерөнхий сайд Ли Жэчян 5-д болсон 12 дахь сонгуулийн БХАТИХ-ын хорооны 2-р чуулган дээр засгийн газрын ажлын тайлангаа хийхдээ, 2014 онд Хятад улс гадаадтай нээлттэй харилцах ажлаа хөгжлийн шинэ дээд төвшинд хүргэх болно. Нээлттэй эдийн засаг шинэ тогтолцоог байгуулж, гадаадтай нээлттэй харилцах шинэ шатны үйл явцыг эхлүүлж, өөрчлөлт болон бүтцийн зохицуулалтыг гүнзгий эрчимжүүлж, олон улсын хэмжээнд өрсөлдөх давуу талаа бүрдүүлэх болно гэжээ. Бүх талаар идэвхтэй өөрчлөлт хийхийг чухалчилна. Гадаад хөрөнгийг идэвхтэй, үр бүтээмжтэй ашиглан, үйлчилгээний салбарыг нээлттэй байлгаж, дотоод гадаадын аж ахуйн нэгжид эрх тэгш өрсөлдөх бизнесийн орчинг бүрдүүлэн, Хятад улсыг гадаадын хөрөнгө оруулалтын тэргүүний сонголт болгохын төлөө зорьж байна.
Экспортыг шат ахиулан хөгжүүлэх болон худалдааны тэнцвэртэй байдлыг хангах стратегийн дээд чиглэлд хөгжүүлэх хэрэгтэй. Энэ оны экспорт импортын нийт өсөлт 7.5 хувь орчим хүрэх магадлалтай байна. Экспортын бодлогыг тогтвортой бөгөөд боловсронгуй болгож, импортыг дэмжих бодлогыг идэвхтэй хэрэгжүүлнэ. Олон улсын ажил хуваарилалт дахь Хятадын үйлдвэрлэлийн үүрэг чадавхыг дээшлүүлнэ. Мэдээлэл холбоо, төмөр зам, цахилгаан станц зэрэг томоохон хэмжээний иж бүрэн тоног төхөөрөмжийг экспортлох ажлыг дэмжиж, Хятадын тоног төхөөрөмжийн нэр хүндийг дэлхийд алдаршуулах.
Гадаадад гаргахын зэрэгцээ өрсөлдөх хүчээ нэмэгдүүлнэ.
Хоёр талт болон бүс нутгийн нээлттэй хамтын ажиллагааг нэгтгэн төлөвлөнө. Үйлчилгээний салбарын худалдааны хэлэлцээр, засгийн газрын худалдан авах хэлэлцээр, мэдээлэлжүүлэлт техникийн хэлэлцээр зэргийг зөвшилцөн зохицуулахыг урагшлуулан, байгаль орчны хамгаалалт, цахим худалдаа зэргийн шинэ сэдвүүдийг авч хэлэлцэхийг эрчимжүүлнэ. Худалдаа, хөрөнгө оруулалтын чөлөөтэй, дөхөм байхыг цаашид баримтлан, олон орны харилцан ашигтай хамтран ялалт байгуулж, гадаадтай чөлөөтэй байх болон өөрчлөлт хөгжлийн өөдрөг өгөөжтэй харилцааны шинэ байдлыг бүрдүүлэхээр зорьж байна. \Хуар\
Өдөр дутмын 
