Энэ сарын 28-нд Үй Цай сургуулийн ёслолын танхимд Хятадын Олон Улсын Радио (CRI), Монгол Улсын Үй Цай бүрэн дунд сургууль хамтран "CRI-Үй Цай" Күнзийн танхим "Дорнын түүх соёл, боловсролоос суралцахуй" хэмээх хятад хэлээр эссэ бичиж, уран илтгэх 5-р тэмцээнийг амжилттай зохион байгууллаа.
Энэ тэмцээнд Монгол улсын ерөнхий боловсролын хятад хэлний сургалттай 10 гаруй сургуулийн 30 гаруй сурагч оролцов. Тэмцээнийг 8-9, 10-11-р анги хэмээн ангилан явуулж, ангилал тус бүрээс эхний гурван байрыг шалгаруулсан юм. 8-9-р ангийн ангилалд Үй Цай сургуулийн Э.Энхжин тэргүүлж, Үй Цай сургуулийн Болдын Минжин, Дархан хотын Цайхүн сургуулийн Б.Нямцэцэг нар 2-р байр, Дархан хотын Цайхүн сургуулийн Э.Мөнгөн-Уянга, Эрдэнэт хотын Одхүү нар 3-р байр эзэлсэн байна. 10-11-р ангийн ангилалд Үй Цай сургуулийн Батбаяр тэргүүлж, Найрамдал сургуулийн Наранцэцэг, Үй Цай сургуулийн Эрдэмтөгс, Дархан хотын Цайхүн сургуулийн Б. Мөнх-Эрдэнэ, Б.Бат-Амгалан нар 2, 3-р байр эзэлсэн байна. Зохион байгуулагчдын зүгээс уралдааны эхний гурван байр болон тусгай байранд шалгарсан хүүхдүүдэд медаль, гэрчилгээ, мөнгөн шагнал, бэлэг дурсгалын зүйл гардуулсан юм.
Дашрамд дурдахад, энэ онд Хятад, Монгол хоёр орны дипломат харилцаа тогтоосны 65 жилийн ой тохиож байгаа бөгөөд хоёр орны засгийн газраас 2014 оныг Хятад-Монголын соёл хүмүүнлэгийн солилцооны жил болгон зарласан юм. \ ХОУРадиогийн сурвалжлагч М.Цэцэн \
1 2 3 4 5 6 
Өдөр дутмын 
