Ши Жиньпин Эмомали Рахмоновтой уулзав

      19-нд Шанхайд Хятад улсын дарга Ши Жиньпин Тажикстаны ерөнхийлөгч Эмомали Рахмоновтой уулзав.

      Ши Жиньпин, Хятадын тал Тажикстаныг сайн хөрш, анд, түншээр үзсээр ирсэн юм.

      2013 онд Хятад Тажикстан хоёр улс стратегийн түншийн харилцаа тогтоосноос хойш, хоёр орны харилцаа, олон салбарын хамтын ажиллагаа шинэ төвшинд хөгжлөө.

      Хоёр тал "2015-2020 оны Хятад Тажикстаны стратегийн түншийн харилцааны хамтын ажиллагааны хөтөлбөр"-ийг боловсруулж, Хятад-Төв Ази хоорондын байгалийн хийн хоолойн барилга, Тажикстаны цахилгаан эрчим хүч дамжуулах шугамын өөрчлөлт, зам харилцаа, хил боомтын дэд бүтцийн байгуулалт, аж үйлдвэрийн хүрээлэн, хөдөө аж ахуйн техникийн үлгэр жишээ хүрээлэн зэрэг хамтын ажиллагааны төслийг цаг тухайд нь биелүүлж, соёл, боловсрол, аялал жуулчлалын хамтын ажиллагааг ахиулж, хууль хэрэгжилтийн аюулгүй байдал, хамгаалалтын талаарх хамтын ажиллагааг эрчимжүүлж, хэт даврагчид, хагалан бутраагчид, алан хядагчид, мансууруулах бодис наймаалагчид, үндэстэн дамнасан гэм хэрэгт хамтаар цохилт өгнө.

      Хятад улс Тажикстаны талыг дэмжин хамтран ажиллаж, 2014 оны 9-р сард болох Душанбегийн дээд хэмжээний уулзалтыг сайтар зохион байгуулж, уг байгууллагын нягтрал нэгдэл, ажил хэрэгч хамтын ажиллагаа, үр ашигтай үйл ажиллагаанд тус дөхөм үзүүлнэ гэжээ.

      Эмомали Рахмонов, Тажикстан Хятад хоорондын сайн хөршийн найрсаг хамтын ажиллагааг бэхжүүлж, стратегийн түншийн харилцааг гүнзгийрүүлэхээр хичээн зүтгэнэ. Энэ удаагийн айлчлал хоёр орны харилцааны түүхэнд шинэ амжилт тогтооно гэдэгт итгэлтэй байна. Тажикстан улс Хятадтай хамтаар хэт даврагчид, хагалан бутраагчид, алан хядагчдад цохилт өгч, хоёр талын хууль хэрэгжилтийн хамтын ажиллагааг эрчимжүүлж, бэрхшээлтэй байдлыг хамтдаа даван туулах чадавхаа дээшлүүлэх болно гэжээ.