Колумбд ямааны хөл бөмбөгийн ДАШТ зохиожээ

      Удахгүй болох Бразилын хөл бөмбөгийн дэлхийн цомын тэмцээнийг угтаж Колумб улсын Nuobei Sa хотод ямааны хөл бөмбөгийн дэлхийн цомын тэмцээн зохион байгууллаа.

      6-р сарын 1-нд болсон уг тэмцээнд Аргентин, Колумб, Бразил, Мексик дөрвөн орны хөл бөмбөгийн шигшээ багийн тоглогчдын хувцас өмсгөлтэй 48 ямаа оролцжээ. Неймар, Месси, Кака, Робинио зэрэг нэрт хөл бөмбөгчдийн өмсгөлтэй ямаанууд ч байсан байна. Ингээд талбайд 40 минут үргэлжилсэн тэмцээнд Колумбийн баг Бразилын багийг 4:3-ын харьцаатай хожиж, дэлхийн цомын аварга болжээ.

       Nuobei Sa хотын Биеийн тамир спортын газрын дарга, уг тэмцээнийг зохион байгуулагч Родеригс хэлэхдээ, "Эхэндээ бид нэг багт ердөө 3-5 ямааг оролцуулах төлөвлөгөөтэй байсан ч эцэст нь 12 ямаа оролцуулахаар болсон. Мишель Платини нэртэй хөл бөмбөгчин ямаа хамгийн гарамгай амжилт үзүүлсэн бөгөөд "шилдэг хөл бөмбөгчин" цолыг хүртсэн" гэжээ.