Солонгосын Эх орны нэгдлийн судалгааны газраас 24-нд нийтэлсэн цагаан номд, АНУ, БНСУ-ын засгийн газрын өдөөлгөөр Өмнөд Солонгосын иргэдийн байгууллага Хойд Солонгосыг эсэргүүцсэн ухуулга хуудас тарааж байгаа нь хойгийн байдлыг өдрөөс өдөрт хурцатгаж байна. БНАСАУ-ын тал, Хойд Солонгосыг эсэргүүцэх ухуулга хуудас тараахаа зогсоохыг АНУ, БНСУ-ын засгийн газарт дахин шаардаж байна хэмээн тэмдэглэсэн гэж Солонгосын төв цахилгаан мэдээний агентлаг мэдээлэв.
Цагаан номд, Хойд Солонгосыг эсэргүүцэх ухуулга хуудас тараах нь АНУ, БНСУ-ын засгийн газрын "Хойшоо түрэх дайны хувилбар"-ын гол агуулга болсон юм. Энэхүү зохион байгуулалттай гэмт үйл ажиллагаа нь дайны өдөөн хатгалгын зориудын үйлдэл бөгөөд БНАСАУ, БНСУ-ын харилцаанд хэмжээлшгүй ноцтой үр дагавар үүсгэх болно гэдгийг бодит хэрэг гэрчилж байна. АНУ, БНСУ-ын эрх баригчид түгшүүрт үйл ажиллагаагаа заавал даруй зогсоох хэрэгтэй гэжээ.
Солонгосын Эх орны энх тайван нэгдлийн хорооны нарийн бичгийн даргын газар 23-нд албан мэдэгдэл нийтэлж, Хойд Солонгосыг эсэргүүцэх ухуулга хуудас тараах үйлдлийг заавал даруй хориглон зогсоохыг Өмнөд Солонгосын засгийн газарт сэрэмжлүүлжээ.
25-нд Өмнөд Солонгосын Кёнги мужийн Пажу хотоос Хойд Солонгост хандуулан 100 мянган хуудас ухуулга хуудас тараана гэж тус улсын Иргэдийн байгууллага мэдэгдсэн байна.
\У\
Өдөр дутмын 
