Шинийн нэгний тахилга

Ордос монголчууд сар шинийн баяраа маш өвөрмөц тэмдэглэдэг. Жил бүрийн цагаан сарын шинийн нэгэнд Эзэнхороо хошуунд байдаг Чингисийн онгонд очиж, тахилга мөргөл хийдэг билээ. Үүр цаймагц дөрвөн зүг найман зовхисоос ирсэн хүмүүс Эзэн Чингисийн онгонд өргөл өргөж дуусаад дараа нь бусад арга хэмжээ зохион явуулдаг юм. Тухайн газарт очиж мөргөл хийж чадаагүй хүмүүс гэртээ тэнгэр, газар, эзэн хаандаа тахилга өргөж, ирж буй шинэ ондоо хур бороо элбэг, амар амгалан аж төрөхийн өлзийтэй ерөөлийг дэвшүүлдэг байна.