5-нд Хятадын Төрийн Зөвлөлийн ерөнхий сайд Ли Кэчян засгийн газрын ажлыг тайлагнахдаа, өнгөрсөн жил нийгмийн засаглалыг шинэчилж, эесэг зохицонгуй, тогтвортой байдлыг ахиулав. Бид байгалийн гамшиг, гэнэтийн ослыг зүй зохистой зохицуулж, нийгмийн зөрчил мөргөлдөөнийг эмх цэгцтэй зохицуулж, механизмыг бүрдүүлэн, эх үүсвэрээс нь хамгаалахыг эрчимжүүлж, ард иргэдийн амь насны аюулгүй байдлыг баталгаажуулж, нийгмийн сайн сайхан эмх журмыг хамгаалсан гэжээ.
Ноднин Юнь Наний Лү Дянь, Жин Гү зэрэг нутагт хүчтэй газар хөдөлж, бид гамшгаас аврах үйл ажиллагааг өндөр үр ашигтай өрнүүлж, гамшгийн дараах сэргээн босголтыг сайн хийсэн. Африк тив Эбола вирусын тархалттай тэмцэхэд идэвхтэй тусалж, Эбола вирусын халдвар газар авахаас үр ашигтай хамгаалж чадсан. Аюулгүй үйлдвэрлэлийн ажлыг эрчимжүүлж, осолын ерөнхий хэмжээ, онц том осол, чухал салбарын осол бүгд тогтвортой буурсан байна. Хоол хүнсний бохирдлыг дорвитой арилгаж, хүнсний бүтээгдэхүүн, эм бэлдмэлийн аюулгүй байдал ерөнхийдөө тогтворжсон байна.
Бид хуулийн дагуу засаглахыг ихээр ахиулж, Төрийн Зөвлөлөөс БХАТИХ-ын Байнгын Хороонд санаачлага гаргах замаар хүнсний аюулгүй байдлын хууль зэрэг 15 хууль тогтоомжийг боловсруулж, засвар оруулж, аж ахуйн нэгжийн мэдээллийг ил тод байлгах түр тогтоол зэрэг засаг захиргааны 38 хууль дүрэм боловсруулж, засвар оруулсан байна.
Засаг захиргааны үйл хэргийг ил тод байлгахыг гүнзгий ахиулж, засгийн газрын чухал шийдвэр бодлогын хувьд, нийгэм нийтээс олон арга хэлбэрээр санал санаачилга цуглуулсан. Бүх Хятадын хэмжээнд эдийн засгийн гурав дахь удаагийн шалгалт шинжилгээ хийсэн. Захидлаар заалдах ажлын дүрмийг өөрчилсан. Хуулийн туслалцааны хүрээ хэмжээний хувьд, амьдралын дор баталгаатай иргэдээс өргөжөөд дор орлоготой иргэдийг хамруулсан байна. Хот хөдөөгийн дүүргийн бүтээн байгуулалтыг эрчимжүүлж, салбарын нийгэмлэг холбоо зэрэг нийгмийн дөрвөн төрлийн байгууллага шууд бүртгэлийг биелүүлжээ. Олон төрлийн гэмт ажиллагаанд хатуу цохилт өгч, нийгмийн амар тайван байдлыг хамгаалах ерөнхий үйл ажиллагааг эрчимжүүлж, улс орны аюулгүй байдал, олон нийтийн аюулгүй байдлыг хамгаалсан байна.
Өдөр дутмын 
