Шинэ маягийн хотжилтыг ахиулна

Шинэ маягийн хотжилтыг шинэ ахиц амжилтад хүргэж, "Хүний төлөө" хэмээх зориг санааг хэлбэрэлтгүй баримтлан, 300 сая хүний асуудлыг зохицуулахаар гол болгон, орчин үеийн хотжилтын тулгуурлах үүргийг сайтар биелүүлэх хэрэгтэй гэж Хятадын Төрийн зөвлөлийн ерөнхий сайд Ли Кэчян хэллээ.

Тэрээр, хот суурины гэр хорооллын бүс болон нурах аюул эрсдэлтэй орон сууцны засвар өөрчлөлтийг нэмэгдүүлж, энэ жил баталгааны чанартай 7 сая 400 мянган орон сууцны байгуулалтын төслийг ажиллуулан, хөдөө нутгийн нурах аюултай 3 сая 660 мянган орон сууцыг засан сэлбэнэ. Орон сууцны баталгааг алхам алхмаар шинэ орон сууц болон мөнгөний нөхвөрийг зэрэг ашиглах болгож, зарим хоосон орон сууцыг нийтийн түрээсийн байр болон нүүлгэн төвхнүүлэх орон сууц болгон өөрчилж, амьдрал ядуу иргэдэд орон сууцны дэмжлэг үзүүлэхээ нэмэгдүүлнэ.

Өөрчлөлтийн аргаар хотжилтын явц дахь хүндрэлтэй асуудлыг зохицуулна. Иргэний харьяаллын бүртгэлийн тогтолцооны өөрчлөлтийн дагуу, хотод ирж ажиллаж байгаа өөр муж нутгийн харьяалалтай иргэдэд оршин суух гэрчилгээ олгон, олон нийтийн үндсэн үйлчилгээнд хамруулж, гэрчилгээний төлбөр хураамжийг цуцална. Түүнчлэн хот суурины төлөвлөлт, бүтээн байгуулалтын төвшнийг дээшлүүлж, хотуудыг нэгдсэн журмаар төлөвлөж, дэд бүтэц, олон нийтийн үндсэн үйлчилгээг нэгдмэл болгоно гэжээ.

\Д.Хүчитбаатар\