12 дахь сонгуулийн БХАТИХ-ын 3-р чуулган 8-ны үдээс хойш хоёрдахь бүгд хурлаа хийв. БХАТИХ-ын байнгын хорооны дарга Жан Дэжян хурлын үеэр ажлаа тайлагнаж, төлөөлөгчид хууль тогтоох тухай хуульд нэмэлт өөрчлөлт оруулсан төслийн тайлбарыг сонсов.
Жан Дэжян тайландаа өнгөрсөн оны ажлаа 7 талаар дүгнэв. Үүнд, нэгд, намын удирдлагыг баримталж, АТИХ-ын дүрмийг төгөлдөржүүлэв. Хоёрт, хууль тогтоох чанар төвшнийг дээшлүүлж, хууль тогтоох ажлын удирдан дагуулах үүргийг бүрэн бадруулав. Гуравт, хуулийн дагуу эрх зүйн асуудалд эцсийн шийдвэр гаргаж, Үндсэн хуулийн нэр хүндийг баталгаажуулав. Дөрөвт, асуудлыг зөв голдрилд хөтөлж, хяналтын ажлын үр ашгийг дээшлүүлэв. Тавд, депутат төлөөлөгчдийн статусыг хүндэтгэж, халамж үйлчилгээний ажлын төвшнийг дээшлүүлэв. Зургаад, орон нутгийн АТИХ-тай харилцаа холбоогоо эрчимжүүлж, АТИХ-ын тогтолцоог төгөлдөржүүлэв. Долоод, асуудлын цөмийг онож, бүх талд үйлчлэх зарчмын дагуу гадаадтай харилцах, суртал ухуулгын ажлыг сайтар хийв гэлээ.
Тэрээр мөн Үндсэн хуулийн тойронд социалист хууль дүрмийн тогтолцоог төгөлдөржүүлэх, хуулийн хэрэгжилт болон "засгийн газар, дээд шүүх, дээд прокурор"-т хяналт тавих хүчээ эрчимжүүлэх, төлөөлөгчдийн ажил үүрэг, гадаадтай харилцах болон байнгын хорооны байгуулалт зэргийг эрчимжүүлэх талаар 2015 оны ажлаа тодорхойлов.
Хурлаас олгосон эрхийн дагуу БХАТИХ-ын Байнгын хорооны орлогч дарга Ли Жяньгүө хууль тогтоох тухай хуульд нэмэлт өөрчлөлт оруулсан төслийн талаар тайлбар хийв. Төслийн гол агуулгад дараах зургаан зүйл багтжээ. Үүнд, нэгд, хууль тогтоох тогтолцоог төгөлдөржүүлэх. Хоёрт, хууль тогтоох ажилд АТИХ-ын гол удирдах байр суурийг баримтлах. Гуравт, хууль тогтоохдоо шинжлэх ухаанч хандах, ардчилсан зарчмыг баримтлах. Дөрөвт, захиргааны хуулийг тогтоох шат дамжлагыг төгөлдөржүүлэх. Тавд, бүрдүүлсэн хавтаст материалыг дахин хянан шалгах ажлыг эрчимжүүлэх. Зургаад, эрх зүйн тайлбарыг дүрэмжүүлж, хяналт тавих.
Өдөр дутмын 
