Жүншинь агентлагийн мэдээ: Хятад улсын дарга Ши Жиньпин ОХУ-ын Уфад очиж, БРИКС-ийн орнуудын удирдагчдын 7-р уулзалт болон ШХАБ-ын гишүүн орны тэргүүн нарын зөвлөлийн 15 дахь хуралд оролцоно.
Хятадын Гадаад харилцааны яамаас өнөөдөр хэвлэлийн бага хурал хийлгэж, тус яамны дэд сайд Чэн Гүөпин уг айлчлалын талаар танилцуулав.
ШХАБ-ын гишүүн орны тэргүүн нарын зөвлөлийн 15 дахь хуралд оролцох талаар Чэн Гүөпин хэлэхдээ: Энэ удаагийн хурлаас шинэ нөхцөл байдал дахь ШХАБ-ын хөгжлийн стратегийг тогтоож, олон салбарын хамтын ажиллагааны талаар чухал төлөвжүүлэлт хийж, өндөр үр ашиг, ажил хэрэгч, эрүүл чиглэлийн дагуу ШХАБ-ын хурдтай хөгжлийг урагшлуулах, гишүүн орнууд заналхийлэлтэй тэмцэж, эдийн засгийн өсөлтийг биелүүлэхэд тус дөхөм үзүүлэхэд чухал ач холбогдолтой юм гэжээ.
Чэн Гүөпин цохон тэмдэглэхдээ: Ши Жиньпин цуврал хэлэлцээнд оролцож, олон улсын болон бүс нутгийн байдал, ШХАБ-ын хөгжил зэрэг чухал асуудлаар олон орны төрийн тэргүүнтэй санал бодлоо солилцоно. Мөн бүс нутгийн заналхийлэлтэй тэмцэх бодлого, арга барилыг хамтран судалж, ШХАБ аюулгүйн хамтын ажиллагаагаа эрчимжүүлж, гишүүн орны хөгжлийн стратегийг холбож, хүмүүнлэгийн солилцоог улам бодитой болгон Хятадын талын санаачлагыг дэвшүүлэх болно. Ши Жиньпин, бусад гишүүн орны төрийн тэргүүнтэй хамт "Уфагийн тунхаг"-т гарын үсэг зуран, "2025 он хүртлэх ШХАБ-ын хөгжлийн стратеги"-ийг багтаасан баримт бичгүүдийг баталж, "ШХАБ-ын гишүүн орны хилийн хамгаалалтын хамтын ажиллагааны гэрээ"-нд гарын үсэг зурж, Энэтхэг, Пакистан ШХАБ-д элсэн орох зэрэг тогтоолыг баталж, фашизмын эсрэг дэлхийн дайны ялалтын 70 жилийн ойд зориулсан гишүүн орны төрийн тэргүүн нарын мэдэгдэл, мансууруулах бодистой тэмцэх асуудлаарх мэдэгдэл болон уг хурлын талаарх "сонсгол мэдээ"-г нийтлэх болно гэжээ.
Чэн Гүөпин хэлэхдээ, Уфад хуралд оролцох хугацаандаа, Ши Жиньпин ОХУ зэрэг орны удирдагчтай уулзах болно гэлээ.\Ган\
Өдөр дутмын 
