Хятадын ГХЯ-ны дэд сайд Чэн Гүөпин өнөөдрийн хэвлэлийн бага хурал дээр хэлэхдээ: Энэ долоо хоногт Уфад болох ШХАБ-ын гишүүн орны тэргүүн нарын зөвлөлийн 15 дахь хурал Энэтхэг, Пакистаныг ШХАБ-д элсүүлэх шийдвэрийг баталж, ШХАБ гишүүдээ нэмэгдүүлэх хаалгаа албан ёсоор нээх болно гэжээ.
Тэрээр: ШХАБ байгуулагдсанаас хойш 14 жилийн турш гишүүд хоорондын стратегийн хамтын ажиллагаа, эв нэгдэл, итгэлцэл, олон салбарын хамтын ажиллагааг бүх талаар өрнүүлэн, тус бүсийн аюулгүй, тогтвортой байдлыг хамгаалж, хамтын хөгжлийг ахиулах чухал индэр болсоор ирлээ. ШХАБ-ын хөгжлийн нөлөө өргөжихийн хирээр, тус бүсийн улам олон орон элсүүлэх хүсэлт дэвшүүлж байна. Эдгээр улс орны ашиг сонирхол болон ШХАБ-ын хөгжлийн шаардлагын дагуу, Уфа дахь дээд уулзалтын үеэр Энэтхэг, Пакистаныг ШХАБ-д элсүүлэх улс төрийн шийдвэрийг батлах болно. Энэ бол ШХАБ гишүүдээ нэмэгдүүлэх хаалгыг албан ёсоор нээж буйг харууллаа гэжээ.
Энэ хоёр оронг ШХАБ-д элсүүлбэл тус байгууллагын хөгжилд чухал үүрэг гүйцэтгэх төдийгүй Энэтхэг, Пакистаны найрсаг харилцааг хөгжүүлэн сайжруулахад ч бүтээлч үүрэг гүйцэтгэх болно гэж Чэн Гүөпин хэлжээ. \Сарантуяа\
Өдөр дутмын 
