Жүншинь агентлагийн мэдээ: БРИКС-ын удирдагчдын 7 дахь уулзалт энэ долоо хоногт ОХУ-ын Уфад болж, Хятад улсын дарга Ши Жиньпин оролцоно. БРИКС-ийн эдийн засгийн талаар сүүлийн үед сөрөг мэдээлэл гарч байгаатай холбогдуулан, Хятад улс 6-ны өдөр Бээжинд байр сууриа илэрхийлэн үүнийг няцаав.
Мөн өдөр Хятадын ГХЯ-ны хэвлэлийн бага хуралд ГХЯ-ны дэд сайд Чэнь Гүөпин хуралд хэрхэн оролцох талаар танилцуулав. Тэрээр хэлэхдээ: Сүүлийн үед БРИКС-ийн эдийн засаг ерөнхийдөө буурч, дарамтад өртөж байгаа талаар зарим улсад сөрөг яриа дэлгэрч байна. Түүнчлэн зарим нь дэлхийн эдийн засгийн өсөлтнд эргэлт гарч, шинээр хөгжсөн зах зээл болон хөгжиж буй орнууд хоцрогдонгуй болсон гэх зэрэг ташаа мэдээлэл гарч байна. Үүнийг би зөвшөөрөхгүй гэжээ.
Чэн Гүөпин хэлэхдээ: Юуны өмнө одоогийн дэлхийн эдийн засагт шинэ хөдөлгүүр хүчин дутагдаж, хөгжингүй эдийн засгийн цогц макро бодлого өөрчлөгдөн, олон улсын зах зээлийн хэлбэлзэл ихсэж, бараа бүтээгдэхүүний ханш унаж байна. Эдгээр хүчин зүйл БРИКС-ийн эдийн засагт сөргөөр нөлөөлсөн бөгөөд БРИКС макро эдийн засгийн зохицуулалт хийж, эдийн засгийн бүтцийн хэлбэрийг өөрчлөн сайжруулж байгаа учраас зохих хэмжээний өртөг зарцуулж байгаа юм. Эдгээр бэрхшээл бол бүтцийн чанартай биш, харин түр зуурын явдал юм. Хоёрдугаарт, БРИКС-ийн эдийн засгийн өсөлтийн хурд өөрийнхөөсөө удааширсан боловч олон улсад мөн нэлээд өндөр түвшинд байгаа юм. Гуравдугаарт, БРИКС-ийн эдийн засгийн хамтын ажиллагааны үр дүн улам бүр тодорхой болж, Хөгжлийн банк зэрэг төсөл шинэ хөдөлгүүр хүчин болно гэжээ.
БРИКС ирээдүйд дэлхийн эдийн засгийн чухал хөдөлгөх хүчин болно гэдэгт итгэж байна гэж Чэн Гүөпин хэлэв. \Сарантуяа\
Өдөр дутмын 
