"Цайны морин зам" дахь Хятад Энэтхэгийн худалдааны шинэ өртөө

Натула хэмээх нь "салхи цас ихтэй газар" гэсэн утгатай түвд үг. Натула уулын аман нь Хятадын ТӨЗО болон Энэтхэгийн Сикким мужийн хилийн уулзварт оршдог, далайн төвшнөөс 4545 метр өндөр, Хятад Энэтхэгийг холбосон хуурай замын худалдааны хамгийн дөт зам юм. Түүхэнд Натула уулын амаар нэвтэрч байсан худалдааны зам нь "Эртний цайны морин зам"-ын нэг хэсэг байв. 2006 оны 7-р сарын 6-нд Хятад, Энэтхэг Натула уулын замыг сэргээн нээхээр зарлаж, хилийн зөрчил маргааны улмаас 40 гаруй жил тасалдсан энэхүү хилийн худалдааны замыг сэргээсэн юм. Хилийн худалдааны зах зээлийн өрнөл хөгжил нь Хятад Энэтхэг хоёр орны хилийн нутгийн ард олонд бодит үр өгөөж олгов.