Японыг эсэргүүцсэн дайны ялалтын 70 жилд зориулсан цэргийн парадыг удирдах албаны ологч дарга, Ардын чөлөөлөх армийн жанжин штабын газрын байлдааны газрын орлогч дарга Чү Рүй 25-нд хэлэхдээ, гадаадын цэргийн 17 жагсаал анги, армийн холбогдох төлөөлөгчид Хятадад ирж цэргийн парадад оролцоно. 1000 шахам хүн өнөө бэлтгэл дасгалын баазад очоод байгаа гэжээ.
Монгол, Орос, Беларусь, Куб, Египет, Казахстан, Киргиз, Мексик, Пакистан, Серби, Тажикстан зэрэг 11 орон цэргийн парадад оролцох төлөөлөгчдөө илгээгээд байна. Мөн Афганистан, Камбож, Фижи, Лаос, Вануату, Венесуэл зэрэг 6 орны цэрэг дайчид парадад оролцохоо мэдэгдээд байгаа юм.
Чү Рүй танилцуулж хэлэхдээ, цэргийн жагсаалд гадаадын 1000 шахам хүн оролцоно. Жагсаал бүр 75 хүнтэй, харин төлөөлөгчид бүр 7 хүнтэй байна. Тэд Хятадын явган жагсаал болон зэвсэг тоноглолын жагсаалын дунд нь явах болно. Жагсаалд орох дэс дараалал нь олон улсын жишиг ёсоор англи үсгийн дарааллаар явах болно гэжээ.
Үүнээс гадна Етиоп, Тонга, Папуа Шинэ Гвиней, Узбекистан, Иран, Франц, Судан, Польш, Вьетнам, Тайланд, Малайз, Сингапур, Мьянмар, БНСУ зэрэг 31 орон цэрэг анги илгээж парадыг үзэж сонирхох болно. /Баатар орчуулав/
Өдөр дутмын 
