28-нд, Японы Юмиури шимбун, Сингапурын Лянь хэ зао бао, Тайваний Лянь хэ бао, Хонконгийн Вэнь хүй бао сонин болон Зи жин сэтгүүл, Хонконг дэх Хятадын тоймчдын агентлаг, Макаогийн сарын сэтгүүл, Макаогийн сонин мэдээний агентлаг зэрэг дотоод гадаадын 28 хэвлэл мэдээллийн байгууллагын 40 гаруй сэтгүүлч Японы түрэмгийллийн эсрэг дайны ялалтын сэдвээр нэгдсэн сурвалжилга хийж эхэллээ.
Хятадын ард түмний Японы түрэмгийллийн эсрэг дайн болон дэлхийн фашизмын эсрэг дайны ялалтын 70 жилийн ойн арга хэмжээний хэвлэлийн төвийн мэдээлснээр, энэ арга хэмжээний цэргийн парадыг газар дээрээс нь мэдээлэхээр гадаад дотоодын 3700 гаруй сэтгүүлч нэрээ бүртгүүлээд байгаа юм байна. Эдгээр сэтгүүлчдэд Бээжин хот болон түрэмгийллийн эсрэг дайны ялалтын ач холбогдлыг нэн сайн ойлгуулахын төлөө тус хэвлэлийн төв Бээжин хотын захиргааны хэвлэлийн газартай хамтран, "Дайны ялалтыг дурсан тэмдэглэх", "Бээжингийн соёлын аж үйлдвэрийн салбарын иновац", "Бээжин хотын дүүргийн шинэ хөдөө тосгоны байгуулалт", "Бээжинд үйлдвэрлэв", "Бээжингийн 2022 оны өвлийн олимп", "Шинжлэх ухаан технологийн Бээжин" гэх 6 том сэдвээр нэгдсэн сурвалжилгын арга хэмжээ зохион байгуулжээ.
Үүнээс гадна, хэвлэлийн төвд бүртгүүлээд байгаа сэтгүүлчдэд Үндэсний театр, Мэй лань фан театр зэрэг ордонд концерт, Бээжин ший, цирк зэрэг сонгодог урлаг сонирхох боломж олгож байгаа юм байна.
\Ц\
Өдөр дутмын 
