Юй Жэншэн ТӨЗО-ны 50 жилийн ойн баярт оролцож байна

ХКН -ын Төв хорооны улс төрийн товчооны байнгын хорооны гишүүн, УТЗЗ -ийн бүх Хятадын хорооны дарга Юй Жэншэн 6-нд Лхас хотод хүрэлцэн очиж, ТӨЗО -ны 50 жилийн ойг тэмдэглэх ажиллагаанд оролцож байна. Түвдийн бүх үндэстний ард иргэд нисэх онгоцны буудалд Төв хорооны төлөөлөгчдийг баяртай угтаж авав.

Төвийн төлөөлөгчдийн дэд тэргүүнээр Төв хорооны Улс төрийн товчооны гишүүн, Төрийн зөвлөлийн ерөнхий сайдын орлогч Лю Яньдүн, Төв хорооны нэгдмэл фронтын хэлтсийн дарга Сун Чүньлань, ХКН -ын Төв хорооны нарийн бичгийн дарга нарын гишүүн, УТЗЗ -ийн бүх Хятадын хорооны дэд дарга Ду Чинлинь, БХАТИХ -ийн байнгын хорооны орлогч дарга Шянба Пинцо, УТЗЗ-ын бүх Хятадын хорооны орлогч дарга Пабала Гелиланжэ, 10 дахь сонгуулийн БХАТИХ-ийн байнгын хорооны орлогч дарга Реди, Цэргийн төв зөвлөлийн гишүүн, Улс төрийн ерөнхий газрын дарга Жан Ян зэрэг нам төрийн удирдах албан тушаалтнууд хүрэлцэн очлоо.

/Баатар орчуулав/