ТӨЗО байгуулагдсан 50 жилийн ойн тэмдэглэлт арга хэмжээ Лхас хотод боллоо

ТӨЗО-ны олон салбарын нийт 20 мянга гаруй иргэд 8-ны өдөр Лхас хотын Будлаа ордны өргөн талбайд хуран цугларч, ТӨЗО байгуулагдсан 50 жилийн ойн баяраа ёслол төгөлдөр тэмдэглэлээ. ХКН-ын төв хорооны ерөнхий нарийн бичгийн дарга, Хятад улсын дарга, Цэргийн төв зөвлөлийн дарга Ши Жиньпин "үндэстнүүдийн эв нэгдлийг эрчимжүүлж, үзэсгэлэнт сайхан Түвдийг байгуулъя" гэсэн бичээс бичиж өгсөн байна. ХКН-ын төв хорооны улс төрийн товчооны байнгын гишүүн, УТЗЗ-ийн бүх Хятадын хорооны дарга, Төвийн төлөөлөгчдийн тэргүүн Юй Жэншэн тэмдэглэлт арга хэмжээнд оролцож үг хэлсэн байна.

8-ны үдээс өмнө тэмдэглэлт их хурал эхэлжээ. Хятадын төрийн зөвлөлийн ерөнхий сайдын орлогч, Төвийн төлөөлөгчдийн орлогч тэргүүн Лю Еньдүн ХКН-ын төв хороо, БХАТИХ, Төрийн зөвлөл, УТЗЗ, Цэргийн төв зөвлөлийн ТӨЗО байгуулагдсан 50 жилийн ойн баярт зориулсан баярын захидлыг уншсан байна.