Америкийн Цагаан ордон орон нутгийн цагаар 15-ний орой мэдэгдэл хийж, Хятад улсын дарга Ши Жиньпиний Америкт хийх төрийн айлчлал Америк Хятадын хамтын ажиллагааны боломжийг өргөтгөх болно гэжээ. Цагаан ордны мөн өдрийн мэдэгдэлд, Ши Жиньпин Америкт анхны төрийн айлчлалаа хийх гэж байна. 25-ны өдөр Цагаан ордонд албан ёсоор зочлох болно. Түүний айлчлал Америк Хятадын хоёр талын, бүс нутгийн тэрчлэн дэлхийн чанартай асуудлаарх хамтын ажиллагааны боломжийг цаашид өргөтгөж, хоёр удирдагчийн санал зөрөлдөөнөө бүтээлчээр зохицуулахыг ахиулах болно гэжээ.
Цагаан ордон, ерөнхийлөгч Обама, тэргүүн хатагтай Мишель нар 25-ны орой Ши Жиньпин болон түүний гэргий Пэн Ли-Юаньд зориулан албан ёсны төрийн дайллага хийх болно гэжээ.
Цагаан ордны төлөөлөгч Шулц саяхан хэлэхдээ, төрийн айлчлал зэрэг дээд хэмжээний харилцаагаар дамжуулан Америк Хятад хоорондын санал зөрөлдөөнийг зохицуулах боломжтой болно. Санал зөрөлдөөнөө бүрмөсөн арилгаж чадахгүй ч багасгах болно. Америк Хятад хоёр орны харилцааны чухал чанар, үнэ цэнийг Америкийн энэ засгийн газар хүлээн зөвшөөрч байгаа төдийгүй хоёр намын удаа бүрийн засгийн газар хүлээн зөвшөөрсөөр ирсэн юм гэжээ./Баатар орчуулав/
Өдөр дутмын 
