Үндэсний статистикийн газраас 19-нд гаргасан тоо баримтаас үзвэл, 2015 онд Хятадын дотоодын үйлдвэрлэлийн нийт хэмжээ буюу ＧＤＰ 67 триллион 670.8 тэрбум юаньд хүрч, харьцуулж болохуйц үнээр тооцоолбол өнгөрсөн оны мөн үеийнхээс 6.9 хувиар нэмэгдлээ гэж анх дүгнэж байна.
Үндэсний статистикийн газрын дарга Ван Бао-Ань Төрийн зөвлөлийн мэдээллийн албаны хэвлэлийн бага хурал дээр хэлэхдээ, ерөнхийдөө 2015 онд улс ардын эдийн засаг зүй ёсны хүрээнд байж, эдийн засгийн бүтэц улам сайжран, хөгжлийн хэлбэрээ хурдтай өөрчлөн, шинэ хөдөлгөх хүч цаашид төвлөрч, иргэдийн амьжиргаа улам сайжирсан гэжээ.
Тэрээр цааш нь хэлэхдээ, 2015 онд Хятадын үйлдвэрлэлийн бүтэц улам бүр сайжирч, үйлчилгээний салбарын хөгжил ＧＤＰ-гийн 50.5 хувийг эзлэн, өнгөрсөн оныхоос 2.4 нэгжээр нэмэгдэн, аж үйлдвэрийн салбараас 10 нэгж илүү болжээ. Эрэлт хэрэгцээний бүтэц сайжирч, хэрэглээний зардал ＧＤＰ-гийн өсөлтийн 66.4 хувийг эзэлж, өнгөрсөн оны мөн үеийнхээс 15.4 нэгжээр нэмэгджээ. Эрчим хүч хэмнэн хорогдлыг багасгах талаар шинэ амжилтад хүрч,
10 мянган юань бүрийн ＧＤＰ-д эрчим хүчийг ашигласан хэмжээ өнгөрсөн оны мөн үеийнхээс 5.6 хувиар буурсан байна гэжээ. \Сарантуяа\
Өдөр дутмын 
