Хятадын ерөнхий сайд Ли Кэчян 24-нд Бө-Ао-гийн Азийн чуулга уулзалтын 2016 оны нээлтийн ёслол дээр хэлэхдээ, Ази Тив бол дэлхийн энх тайван хөгжлийн чухал хүчин, дэлхийн эдийн засгийн чухал хөдөлгөх хүч, бас дэлхийн соёл иргэншлийн чухал ахиулагч юм. Азийн орнууд хамтран ажиллаж, олон орны эдийн засгийн шинэ хөдөлгөх хүчийг бойжуулах ёстой гэжээ. Дэлхийн эдийн засгийн өнөөгийн байдалд Азийн орнууд шинийг үүдэх талаарх хамтын ажиллагаагаа ахиулж, бүс нутгийн хөгжлийн шинэ хэтийн төлөвийг цогцлоон байгуулах ёстой гэжээ.
Хятадын олон улсын эдийн засгийн солилцооны төвийн судлаач Ван Жүнь хэлэхдээ, өнөө дэлхийн эдийн засгийн хөгжлийн хэтийн төлөв балархай байгаа нөхцөлд Азийн орнууд хоорондын хамтын ажиллагаа маш их бодит ач холбогдолтой юм. Энэ үед бүс нутгийн дотоодын зохицонгуй хамтын ажиллагааг эрчимжүүлж, дотооддоо нэгдмэл улам их цар хэмжээтэй зах зээлийг бий болгох нь маш их шаардлагатай юм. Азийн орнууд хэзээ ч өнөөдрийнх шиг эв санаа нэгтэй, уялдаа холбоотой байх шаардлага байгаагүй гэж би бодож байна гэжээ.
Ху Ся шинэ хангамжийн эдийн засгийн судалгааны хүрээлэнгийн дарга Жя Кан хэлэхдээ, "Нэг бүс нэг зам"-ын стратеги болон бүс нутгийн эдийн засгийн иж бүрэн хамтын ажиллагааны түншийн хэлэлцээр нь харилцан хамжилцаж, хамтаар Азийн эдийн засгийн хөгжилд механизмын баталгаа хангах болно. Одоогийн хэлж байгаа Азийн хамтын ажиллагааны ерөнхийлсөн загвар нь "Нэг бүс нэг зам"-ын олгосон дэд бүтцийг хангах үндсэн дээр худалдааны нэн олон ажиллагаа өрнүүлэх хэрэгтэй юм гэжээ. /Баатар орчуулав/
Өдөр дутмын 
