Хятадын Өмнөд Хятадын тэнгисийн судалгааны хүрээлэнгийн зохион байгуулсан Бө-Ао-гийн 2016 оны Азийн ээлжит чуулга уулзалтын Хай Нанийн салбар форумын олон улсын симпозиум 25-нд Хай Наний Бө-Ао-д нээгдлээ. 10 гаруй улс орон газар нутгийн 100 шахам эрдэмтэн судлаачид хуралд оролцлоо. Хятадын ГХЯ-ны орлогч сайд Лю Жэньминь салбар форумын нээлтийн ажиллагаанд оролцож, Хятад улс Өмнөд Хятадын тэнгисийн маргааныг зөвшилцлөөр дамжуулан энх тайвнаар зохицуулахыг баримталж байна гэсэн лекц уншлаа.
Тэр хэлэхдээ, Филиппин Өмнөд Хятадын тэнгисийн асуудлаар амласнаасаа няцаж арбитрт хандан жич түүний бүс нутгийн тогтвортой байдалд учруулсан сөрөг нөлөөг бид тодорхой таньж, Өмнөд Хятадын тэнгисийн асуудлыг зохицуулах зөв зам болон үндсэн арга хэлбэрийг барьж, Өмнөд Хятадын тэнгисийн энх тайван тогтвортой байдлыг эрс хэлбэрэлтгүй хамгаалах ёстой гэжээ.
Лю Жэньминий хэлсэн үгийг хуралд оролцсон эрдэмтэд сайшаан дэмжиж байлаа. Хуралд оролцсон эрдэмтэд, Филиппин ёсноос гажиж Өмнөд Хятадын тэнгисийн талаар арбитрт хандсан нь асуудлыг мухардмал байдалд оруулах болно. Зөвшилцлөөр дамжуулан маргаанаа зохицуулах бол Өмнөд Хятадын тэнгисийн энх тайван тогтвортой байдлыг хамгаалах алсын хараатай, талуудын хамтын ашиг сонирхолд нийцсэн зам болох юм гэжээ. /Баатар орчуулав/
Өдөр дутмын 
