Хятад улс өөрийн үйлдвэрлэсэн анхны ARJ21 нисэх онгоцыг худалдааны зориулалтаар ашиглаж эхлэв

28-нд, Чэндү хотын агаарын тээврийн компанийн EU6679 дугаарын ARJ21-700 хэмээх нисэх онгоц тус хотын Шуанлю нисэх онгоцны буудлаас хөөрч, Шанхайн Хунчяо нисэх онгоцны буудалд газардлаа. Ийнхүү Хятад улс өөрийн үйлдвэрлэсэн анхны ARJ21 хэмээх зорчигч тээврийн тийрэлтэт нисэх онгоцыг худалдааны зориулалтаар ашиглаж эхэллээ.

Чэндү хотын агаарын тээврийн компанийн 28-ны мэдээнээс үзвэл, тус компани ARJ21 хэмээх энэхүү нисэх онгоцыг Бээжин, Шанхай, Гуанжөү, Шэньжэнь, Ши-Ань, Наньжин, Гүй-Ян 7 хот хоорондын 2225-3700 км зайд нислэг хийлгэхээр бэлтгэж байгаа юм байна.