АНУ-ын худалдааны төлөөлөгчийн тамгын газраас Хятадын түүхий материалын экспортод хязгаарлалт тавихаа мэдүүлээд байгаа заргын жагсаалтаа өргөтгөхөөр АНУ Дэлхийн худалдааны байгууллагад хүсэлт гаргаад байна гэж мэдээллээ.
Энэ сарын 13-нд АНУ Дэлхийн худалдааны байгууллагад зарга мэдүүлж, Хятадын сурьма, кобальт, зэс зэрэг 9 төрлийн түүх материалд экспортын татвар ноогдуулж байгаа нь Хятад улс ДХБ-д элсэн орох үеийн амлалттай нь нийцэхгүй байна гээд Хятадын талтай ДХБ-ын маргааныг зохицуулах механизмын хүрээнд зөвшилцөх шаардлага тавьсан байна. Энэ удаагийн өргөтгөсөн жагсаалтад сурьма, индий, магнийн исэл, тальк, тугалга зэрэгт хэрэгжүүлсэн экспортын квот байгаа юм байна.
АНУ-ын худалдааны төлөөлөгчийн тамгын газраас мэдэгдэхдээ, эдгээр түүхий материал бол АНУ-ын сансар, авто машин, электрон зэрэг аж үйлдвэр нь нэмүү өртөг өндөртэй бүтээгдэхүүн үйлдвэрлэхэд хэрэглэх чухал түүхий материал болно. Хятад улсын экспортод тавьж байгаа хязгаарлалт нь АНУ-ын холбогдох аж үйлдвэрийн үйлдвэрлэлийн өртгийг нэмэгдүүлж, Хятадын аж үйлдвэрийг шударга бус өрсөлдөөний давуу байдалтай болгож байна гэжээ. \Гэрэлт орчуулав\
Өдөр дутмын 
