"2016 дэлхийн эдийн засгийн хөгжлийн 4-р форум"-ын хүрээнд болох "Нэг бүс-Нэг зам" Сингапурын чуулга уулзалт 11-р сарын 14-17-ны өдрүүдэд Сингапурт болж, аж ахуйн нэгжүүд хэрхэн "нэг бүс нэг зам"-ын шинэ боломжийг ашиглан интеграчлалын замаар хөгжих зэрэг асуудлыг авч хэлэлцэнэ. Шинжээчдийн үзэж байгаагаар, энэ нь Хятад улсын аж ахуйн нэгжүүдийн "гадаадад гарч хөгжих"-д ашигтай байх юм байна.
Эх сурвалжийн мэдээлснээр энэхүү чуулга уулзалт нь "Цаг үеийн боломжийг хуваалцаж, дэд бүтцээр холбогдон, инновацитай хөгжих болон шинэ цаг эрин, шинэ эдийн засаг, шинэ боломж" гэсэн уриан дор зохиогдох бөгөөд дэлхийн олон орны засгийн газрын албан тушаалтан, тусгай мэргэжилтэн судлаач болон аж ахуйн нэгжийн төлөөлөгч гээд 300 гаруй хүн оролцон, эдийн засгийн интегралчлалын нөхцөлд аж ахуйн нэгжүүд хооронд харилцан хэлхээ холбоотой ажиллаж, үзэл санаа, нөөц баялгаа нэгтгэн үр ашигтай хамтран ажиллаж, "нэг бүс нэг зам"-ын хөгжлийн хамтын ажиллагааны шинэ боломжийг бодитоор ашиглах зэрэг асуудлыг авч хэлэлцэх юм байна.
\Д.Хүчитбаатар\
Өдөр дутмын 
