Японы Токио хот анхны эмэгтэй захирагчтай болов

Японы NHK-гийн мэдээлснээр, 7-р сарын 31-нд болсон Токио хотын захирагчийн сонгуульд Батлан хамгаалахын сайд байсан хатагтай Юрико Коикэ ялалт байгуулж, Токио хотын анхдагч эмэгтэй захирагч болов.

Энэ жил 64 настай Юрико Коикэ, Жоничиро Койзумигийн засгийн газарт байгаль орчны сайдаар ажиллаж байсан бөгөөд Японы анхдагч эмэгтэй Батлан хамгаалахын сайд юм. Тэрээр телевизийн нэвтрүүлэгч байсан бөгөөд 9 удаа Парламентын гишүүнээр сонгогдож, Японд маш их нэр нөлөөтэй.

Токио хотын захирагч байсан Ёичи Масүзоэ энэ оны 6-р сард улс төрийн мөнгө шамшигдуулсан хэргээр албан тушаалаас халагдсан юм. \Урьхан\