Киргизд суугаа Хятадын элчин сайдын яамны ойролцоо дэлбэрэлт гарчээ

Киргизийн нийслэл Бишкек хотод буюу Киргизэд суугаа Хятадын элчин сайдын яамны ойролцоох газарт орон нутгийн цагаар 30-ны үдээс өмнө дэлбэрэлт болж, энэ үеэр цагдаагийн газраас мэдээлснээр 3 хүн шархадсан байна.

Дэлбэрэлтийн дараа цагдаа нар элчин сайдын яамны эргэн тойрны гудамжийг хаажээ. Элчин сайдын яамны хашааны зүүн талын хаалга эвдэрсэн байгааг сэтгүүлч мэдээллээ. Тэсрэх бодис ачсан машинаас дэлбэрэлт үүссэн гэдгийг цагдаагийн газраас мэдэгдсэн байна.