"БРИКС-ын орнууд бол дэлхийн эдийн засгийн өсөлтийн чухал хөдөлгүүр юм. БРИКС-ын орнууд олон улсын засаглалын системийн өөрчлөлт шинэчлэлтийг урагшлуулахад идэвхтэй хувь нэмрээ оруулахыг хүсэн хүлээж байна" гэж Хятадын ГХЯ-ны төлөөлөгч Гэн Шуан 29-нд хийлгэсэн хэвлэлийн бага хуралд хэлжээ.
ОУВС-гийн байгууллагын ерөнхий захирал Кристине Лагарде 28-нд, Хятад болон Энэтхэгийн эдийн засгийн өсөлт харьцангуй сайн байна. Энэ онд Хятад улсын эдийн засаг 6 хувь орчмоор нэмэгдэж, Энэтхэгийн эдийн засгийн өсөлт 7 хувиас давах төлөвтэй байна. Бразил болон ОХУ-ын эдийн засагт сэргэн нэмэгдэх шинж төлөв ажиглагдаж байна гэж тэмдэглэжээ. Энэ нь ирэх сард Энэтхэгийн Гоа-д нээгдэх БРИКС-ын орнуудын дээд хэмжээний уулзалт юуг харуулж байна вэ? гэсэн сурвалжлагчийн асуултанд Гэн Шуан хариулахдаа, "БРИКС-ын орнууд бол дэлхийн эдийн засгийн өсөлтийн чухал хөдөлгүүр нь юм. ОУВС-гийн байгууллагын төсөөлөл үүнийг давтан гэрчиллээ. Дэлхийн эдийн засгийн сэргэлт буурай, тэнцвэргүй байгаа нөхцөл байдалд БРИКС-ын орнууд хөгжлийн асар их боломжтой, сайн сайхан мөртөө хойшлох тусмаа сайжрах хэтийн төлөвтэй байгаа нь дэлхийн эдийн засагт оруулах дутагдаж болшгүй хувь нэмэр юм" гэжээ.
Өдөр дутмын 
