Хятад Монгол хэлний орчуулагчид шинэ оноо тэмдэглэв

Монгол Улс дахь Хятад Монгол хэлний орчуулагчдын холбоо 12-р сарын 18-ны өдөр шинэ жилийн баяраа тэмдэглэж, өнгөрч байгаа 2016 оны ажлаа нэгтгэн дүгнэж, шилдэг орчуулагч, шилдэг гишүүдээ урамшуулан шагнав. Тус холбоо нь байгуулагдаад дөнгөж жил гаруйхан болж байгаа ч чамгүй амжилттай ажилласан байна. Тухайлбал, холбооны анхдугаар чуулга уулзалт дээр тавигдсан илтгэлээ эмхэтгэн хэвлүүлж, Хятад хүний нэр болон газар усны нэрийг кирилл үсгээр галиглах аргыг хэлэлцэн тогтоож, мөн БНХАУ-аас МУ-д суугаа Элчин сайд асан Хуан Жякүй гуайн бичсэн "МОНГОЛД ТАВАНТАА" номыг орчуулан хэвлүүлсэн байна. Баярын үеэр БНХАУ-аас МУ-д суугаа Элчин сайдын яамны Элчин зөвлөх Ян Чиндүн, Зөвлөх Ли Яньжүнь, ажилтан Заяа, холбооны Гүйцэтгэх дарга Л. Баатар нар шагнал гардууллаа.

\Хятадын Олон Улсын радиогийн сурвалжлагч М. Цэцэн \