Хятадын нисэгчтэй сансрын нислэгийн төслийн хэвлэлийн төлөөлөгч саяхан хэлэхдээ, 2017 он бол Хятад улсын нисэгчтэй сансрын нислэгийн төслийн хөгжлийн түүхэн дэх чухал амжилт гаргасан онцгой жил юм. Энэ оны 4-р сарын сүүлчээр Вэньчан сансрын хөөргөх талбайд Тяньжөү-1 ачаа тээврийн сансрын нисэх онгоцыг хөөргөж, ачаа барааг зөөвөрлөн хангах, шатахууныг тойрог замд хангах, бие даасан хурдтай залгах зэрэг олон чухал технологийн туршилт хийнэ. Энэ нь Хятадын нисэгчтэй сансрын нислэгийн төслийг "Гурван шатаар биелүүлэх" стратегийн "Хоёрдугаар шат "-ны үүргийг амжилттай биелүүлснийг харуулж, сансрын станцыг бүтээн байгуулахад технологийн бат бэх суурийг тавьж өглөө гэжээ.
Өдгөө Тяньжөү-1-ийн нислэгийн үүргийн олон бэлтгэл ажлыг төлөвлөгөөний дагуу хийж байна.
Хятадын нисэгчтэй сансрын нислэгийн төслийг 1992 оны 9-р сарын 21-нд боловсруулснаас хойш 25 жилийн турш "Гурван шатлалаар хэрэгжүүлэх" стратегийн дагуу хэрэгжүүлсээр иржээ. Өдгөө сансрын станцыг судлан байгуулах олон төрлийн ажлыг тогтвортой гүйцэтгэж байгаа бөгөөд сансрын станцын гол бүхээг болон лабораторийн бүхээг хөөргөж, 2022 он гэхэд сансрын станцыг тойрог замд угсарч байгуулахаар төлөвлөж байна. \Сарантуяа\
Өдөр дутмын 
