12 дахь сонгуулийн УТЗЗ-ийн Бүх Хятадын хорооны 5-р чуулган 3-нд Бээжин хотноо албан ёсоор нээгдлээ. Юнь Шань мужийн Нужяны Ли Су үндэстний өөртөө засах Жөүгийн Пуми үндэстний УТЗЗ-ийн Бүх Хятадын хорооны гишүүн Рүн Ба Шинь На нээлтийн хуралдааны дараа хэлэхдээ, үндэстний цөөнхийн гишүүний хувьд УТЗЗ-ийн ажлын илтгэлд дурдсан үндэстний цөөнхийн соёлыг хамгаалах талын агуулгад анхаарлаа хандуулж байна. Энэ хэдэн жил энэ талын санал зөвлөгөө дэвшүүлсээр ирлээ. Энэ жил ч бас хүн ам цөөнтэй үндэстний цөөнх биет бус соёлын өвд тусад нь бүртгүүлэх тухай шинэ санал зөвлөгөө дэвшүүлэх гэж байна гэжээ.
Тэрээр хэлэхдээ, Хятадын хэмжээнд 300 мянгаас доош хүн амтай 28 үндэстэн байна. Хүн ам цөөнтэй эдгээр үндэстний цөөнхүүдийн олонх нь өөрийн үг хэлтэй боловч үсэг бичиггүй, соёлоо амаар дамжуулан уламжилсан байдаг. Ардын авъяастнууд насан эцэс болоход ардын дуу урлаг ч үгүй болдог. Ийм учраас энэ онд Рүн Ба Шин На дээр дурдсан санал зөвлөгөөг дэвшүүлэхээр зэхэж байгаа юм. Тэрээр хэлэхдээ, үндэсний хэмжээний биет бус соёлын өвд бүртгүүлбэл нэн олон хүний анхааралд орох болно. Үүнээс гадна хүн ам цөөнтэй үндэстний цөөнхийн соёлыг авран хамгаалах сан байгуулж, хөрөнгө мөнгөний дэмжлэг үзүүлж, ахмад уран бүтээлчдээс соёлын өвийг яаравчлан тэмдэглэж авах ажлыг хийх хэрэгтэй байна гэжээ. /Баатар орчуулав/
Өдөр дутмын 
