Хятадын дээд эрхт байгууллага болох Бүх Хятадын АТИХ-ын ээлжит чуулган 5-нд нээлтээ хийнэ. Уг чуулганы хэвлэлийн төлөөлөгч хатагтай Фү Ин 4-нд сурвалжлагчийн асуултад хариулах үед хэлэхдээ, 2017 онд Хятадын батлан хамгаалалтын зардал 7 орчим хувиар нэмэгдэх болно гэжээ. Энэ нь Хятадын батлан хамгаалахын зардал анх удаа 1 триллион юаниас давж байгаа юм. Бүх Хятадын ардын төлөөлөгч, цэргийн шинжлэх ухааны академийн ахлах судлаач хошууч генерал Чэнь Жөү манай сурвалжлагчид ярилцлага өгөх үеэр хэлэхдээ, Хятадын батлан хамгаалахын зардал нэмэгдэж байгаа нь зүй зохистой, хууль ёсны бөгөөд тогтвортой юм гэжээ.
4-нд болсон хэвлэлийн бага хурал дээр Фү Ин хэлэхдээ, жил бүр Хятадын засгийн газар батлан хамгаалалтын байгуулалтын шаардлага болон улс ардын эдийн засгийн хөгжлийн төвшинг үндэслэн манай орны батлан хамгаалалтын зардлыг цар хэмжээг тогтоодог юм. 2017 онд Хятадын батлан хамгаалахын зардлын нэмэгдэл 7 хувь орчим байх болно. Манай батлан хамгаалахын зардал ДНБ-д 1.3 хувь орчмыг эзэлж байгаа бөгөөд сүүлийн жилүүдэд энэхүү төвшинд байсаар байна гэжээ.
2012 оноос 2016 онуудад Хятадын батлан хамгаалахын төсөв тус тус 11.2%, 10.7%, 12.2%, 10.1%, 7.6% байсан байна. Энэ нь Хятадын батлан хамгаалахын зардал хоёр жил дараалан нэг оронт тоогоор нэмэгдэж байна. Өнгөрсөн жилийн батлан хамгаалалтын зардлын тоогоор тооцоолбол энэ онд Хятадын батлан хамгаалалтын зардал 1 триллион юаниас давж байгаа хэрэг болно. Энэ тухай Чэн Жөү хэлэхдээ, батлан хамгаалалтын зардал нэмэгдэх нь улс орны стратегийн шаардлага, армийн үүрэг хариуцлага өөрчлөгдөх, армийн өөрчлөлт зэргийн шаардлагыг хангахын төлөө юм гэжээ. \Гэрэлт орчуулав\
Өдөр дутмын 
