АНУ-ын ерөнхийлөгчийн үндэсний аюулгүй байдлын асуудал эрхэлсэн туслах Герберт Макмастер 16-нд хэлэхдээ, Солонгосын хойгийн асуудлыг зохицуулах талаар Америк "бүх сонголт" хийх байр сууриа нөөцөлнө. Гэвч эдүгээ цэргийн хүчнээс гадна энхийн бүхий л арга хэлбэрээр уг асуудлыг зохицуулах цаг болсон гэжээ.
Тэрээр мөн өдөр хэвлэлийнхэнд ярилцлага өгөхдөө, БНАСАУ-ын сүүлийн үед хийсэн пуужингийн туршилт нь "тогтвортой байдлыг эвдэн бусниулсан өдөөн хатгалга" мөн гэж зэмлээд, АНУ-ын ерөнхийлөгч Дональд Трамп АНУ-ын үндэсний аюулгүй байдлын хороонд тушаал өгч, Солонгосын хойгийн асуудлыг зохицуулах талаар АНУ-ын Батлан хамгаалах яам, Төрийн департамент болон Тагнуулын байгууллагуудын гаргасан хүчин чармайлтыг нэгтгэн дүгнэж, ирээдүйд шаардлагатай үед Трампад энэ асуудлыг зохицуулах сонголтыг хангах болно гэж илэрхийлжээ.
16-ны үдээс өмнө, БНАСАУ пуужингийн туршилт хийсэн боловч амжилтгүй болсныг БНСУ болон АНУ-ын армийн талууд нотолжээ. \Ренчинсоо\
Өдөр дутмын 
