Чан-э 5 тандагч аппаратыг оны эцсээр хөөргөнө

Хятадын Олон Улсын Радио       (GMT+08:00) 2017-04-18 14:59:19

17-нд, Хятадын БХ-ын шинжлэх ухаан технологийн газрын ерөнхий инженер, үндэсний сансар судлалын төвийн нарийн бичгийн дарга Тянь Юйлүн хэлэхдээ, саран бөмбөрцгийн судалгааны Чан-э 5 тандагч аппаратыг оны эцсээр хөөргөж, сарнаас анх удаа дээж авчрах чухал үүргийг гүйцэтгэх юм гэжээ.

Мөн өдөр Бээжинд болсон "Хятадын сансар судлалын өдөр"-ийн хэвлэлийн бага хурал дээр Тянь Юйлүн, Чан-э 5 тандагч аппаратыг Чанжэн 5 зөөгч пуужингаар хөөргөнө гэж мэдэгдлээ.

Эх сурвалжийн мэдээнээс үзвэл, Чан-э 5 тандагч аппаратаар Хятадын сансар судлалын салбарт 4 шинэ нээлт хийх гэж байгаа юм байна. Нэгд, сарны гадаргуугаас анхлан дээж авна. Хоёрт, саран дээрээс хөөрч ниснэ. Гуравт, сарны 380 мянган км-ийн зайтай тойрог замд нисэгчгүй нөхцөлд холболт хийнэ. Дөрөвт, сарны хөрснөөс авсан шороог дэлхийн бөмбөрцгийн татах хүчинд үл нөлөөлөгдөх хурдцаар эх дэлхийд авч ирэх юм байна.

\Э.Цогзолмаа орчуулав\  

Холбоотой мэдээ
Сэтгэгдэл