Ном хэвлэлийн хамтын ажиллагааны "Нахиа" хөтөлбөр хэрэгжиж байна

Хятад, Монголын ном хэвлэлийн солилцоо хамтын ажиллагааны "Нахиа" хөтөлбөрийн санамж бичигт гарын үсэг зурах болон ном сурах бичиг бэлэглэх, хүүхдийн зохиолчдын яриа уулзалт зэрэг арга хэмжээ 5-р сарын 26-ны өдөр Монгол Улсын нийслэл Улаанбаатар хот дахь Монголын Хүүхдийн номын санд боллоо. Энэ арга хэмжээг БНХАУ-аас Монгол Улсад суугаа Элчин сайдын яам, МУ-ын БСШУСЯ, БНХАУ-ын ӨМӨЗО-ны Мэдээлэл, Хэвлэл, Радио, Телевизийн товчоо, МУ-ын Засгийн газрын хэрэгжүүлэгч агентлаг Соёл урлагийн газар зохион байгуулж, Улаанбаатар дахь Хятадын Соёлын төв, БНХАУ-ын ӨМӨЗО-ны Ном хэвлэлийн группын Хүүхэд багачуудын ном хэвлэлийн хороо, Монголын Хүүхдийн номын сан зэрэг газрууд хамтран зохин байгуулсан юм.

Тус арга хэмжээнд БНХАУ-аас МУ-д сугаа онц бөгөөд бүрэн эрхт Элчин сайд Шин Хаймин, Элчин сайдын яамны Соёлын зөвлөх бөгөөд Улаанбаатар дахь Хятадын Соёлын Төвийн дарга Ли Вэй, Хятадын Соёлын Төвийн дэд дарга Хасбагана, МУ-ын БСШУС-ийн сайд Ж.Батсуурь, МУ-ын Засгийн газрын хэрэгжүүлэгч агентлаг Соёл урлагийн газрын дарга Г.Эрдэнэбат, МУ-ын БСШУСЯ-ны Соёл урлагийн газрын дарга Н.Болд, БНХАУ-ын ӨМӨЗО-ны Мэдээлэл, Хэвлэл, Радио, Телевизийн товчооны дарга Жян Буян, тэрчлэн МУ-ын Зохиолчдын эвлэлийн хороо, Хүүхдийн зохиолчдын зөвлөл, МУ-ын бүх шатны номын сангийн төлөөлөл, эрдэмтэн зохиолчид, сэтгүүлч сурвалжлагчид болон сурагч хүүхэд нийт 300 гаруй хүн оролцов.

Мөн тус арга хэмжээнд БНХАУ-аас МУ-д суугаа онц бөгөөд бүрэн эрхт Элчин сайд Шин Хаймин, МУ-ын БСШУС-ийн сайд Ж. Батсуурь, БНХАУ-ын ӨМӨЗО-ны Мэдээлэл, Хэвлэл, Радио, Телевизийн товчооны дарга Жян Буян, МУ-ын Засгийн газрын хэрэгжүүлэгч агентлаг Соёл урлагийн газрын дарга Г.Эрдэнэбат нар баяр хүргэж, үг хэллээ.

Энэ арга хэмжээний үеэр Хятадын талаас Монголын талд нийт 1400 ком, 56 мянган ширхэг, 1 сая юанийн үнэ бүхий ном бичиг бэлэглэв.

\ Хятадын Олон Улсын Радиогийн сурвалжлагч М. Цэцэн \