Синьхуа агентлагийн мэдээ: НҮБ-ын ерөнхий нарийн бичгийн дарга Антонио Гутерриш 30-ны өдөр хэлэхдээ, цаг уурын өөрчлөлт бол эргэлзэхийн аргагүй асуудал байж, эрхбиш зохих арга хэмжээ авах хэрэгтэй, үүнд маш олон боломж тохиол байгаа гэсэн бөгөөд дэлхийн нийтээрээ "Парисын хэлэлцээр"-ийг хэрэгжүүлэн, олон орнуудын удирдагчид, бизнесийн салбарынхан болон иргэний нийгэмлэгүүд хамтдаа хүчин зүтгэл гаргахыг уриалжээ.
Антонио Гутерриш мөн өдөр Нью-Йоркийн Их Сургуулийн Стерн бизнес эдийн засгийн тэнхимд "Цаг уурын үйл ажиллагаа: дэлхий нийтээрээ" нэртэй илтгэл хийж мөн сонсогчдын асуултад хариулжээ. Тэрээр хэлэхдээ, цаг уурын өөрчлөлт бол шууд аюул учруулаад зогсохгүй ядуурал, гэр оронгүй болох ба мөргөлдөөн зэрэг олон асуудлыг дагуулж байна. Өнгөрсөн жилд 118 улс орны нийт 240 сая хүн Байгалийн гамшгаас болж гэр оронгүй болсон юм гэжээ.
Тэрээр хэлэхдээ, цаг уурын өөрчлөлтийн эсрэг арга хэмжээ авах зайлшгүй шаардлагатай бөгөөд энэ нь шинэ боломж болж байгаа юм. Энэ нь шинэ аж үйлдвэр, шинэ зах зээл, илүү эрүүл орчин, илүү их ажлын байр бий болгох бөгөөд нүүрс, чулуун тосны хэрэглээг багасгах болно. 30-ны өдрийн байдлаар "Парисын хэлэлцээр"-ийг дэлхийн нийт 147 улс орнууд баталж, эдгээр орнуудын ялгаруулж байгаа хүлэмжийн хийн хэмжээ дэлхийн нийт хэмжээний 82 хувиас илүүг эзэлж байна гэжээ.
\Дүүрэнжаргал орчуулав\
Өдөр дутмын 
